مرحبا في محلن ماتملة ضيوفة=عد من طاف فالكعبة وقبل حجرها
فية شين يشد وفية شين نطوفة=والبشر ياعتيبة تختلف في نظرها

البقى والرجال مقدره و معروفه=عندنا عندنا ياذيب عروى خبرها
حاسب الذيب الاشهب وش تبا في خروفه=العرب ضايقه وشلون تامن سطرها

المعزة لا هلها وانت منك مخطوفة=وكل ناسن تعزك تعترض في نحرها
ليت منشي يبرق قبل يرسل حروفة=اثر بعض الاوادم شرها من بصرها

المعزه لاهلها وانت مامن كلوفه=مار مدري تجود بطنها ياظهرها..!!
راحت اجهودنا معكم ماهيب مخلوفه=شجرة الحنظله وش نرتجي من ثمرها..!!

كل طيب علي سطح الثرا ماتشوفة=كيف الومك وعينك كل طيب حقرها
التحسف لنا ولا انت مالك حسوفة=ديرتك يالعتيبي ماتعبت ابشجرها

وش بلا الجيب من حره تكسر بلوفه=بانت علومكم يوم أن ربي ومرها..!!
أمسحوا صفحت التاريخ من بعد سوفه=وافتحوا صفحتنا بيضى يشعش قمرها..!!

لو اعد البلوف اللي بيدك امحذوفة=يصبح الصبح وابلوفك عجزت احصرها
ماتعز المكان ولا تقدر ضيوفة=وصحبتك يالسنافي ماتكمل شهرها

من يلوم الضعيف الي يدانا تحوفه=كلمتن قرقعتبه في ضميره ذكرها..!!
هبوا العيطموس العاهره والنصوفه=عقب شتنا بقرها من يجمع بقرها..؟؟

كل منويك تاخذني عليك المروفة=لاتباها بدينن ماسمعت ابظفرها
لاتهبي ولاتعلن عليها النكوفة=وكلوني عليها واسلموا من خطرها

من يمر النجف يظرب على باب كوفه=لاتجاسر على الي ذمته ماخسرها..!!
أنت لوتركب الشيطان بقعاء تلوفه=مير لو يركبك شيطان بقعاك درها..!!