سلام تسليم بعيد عن التردد والشكوك=تعبير ينبع من نوايا بيض ساطع لونها
لي صاحب نادر عرب وجنيهن اصفر ومحكوك=لكن اثر هم الجياع وعيبها فبطونها

يامرحباترحيبة في راس كاتبها تصوك=صوكة ظفر على كرم على وفاء مضمونها
نزهمك ماانت بيمنا ترقب لعربانن نسوك=وعينك تناظر للعذوق ومكسبك عرجونها

حبا على خير العمل مافيه للجنه صكوك=وليا لقيت صكوك للغفران لاتشرونها
احد يجي عبر الفضاء واحد يجي عبر السلوك=وانته تطق الباب مار الباب يقفل دونها

الي يقول اصبر وثابر والجماعه مانسوك=بكره على راسك وراسه ينفجربالونها
مهما تحاول تندمج مالله عطاك ولابغوك=وترى العوض لعمان في قابوسها طحنونها

ياكبرها ياعبرها كيف لعبوبك وخدعوك=بكره تفكر لانزا عن قلتك صعنونها
الطير علق بالسما والهامل امسى فالشبوك=وعميا تمشط راس مجنونه لجل مجنونها

اثرك خدوم ولا تخدم الا المشايخ والملوك=وتقصقصون اضفارهم وشعورهم تفلونها
الله يحفظك ياعربي ويعوض فيك امك وابوك=مير البلاد المسلمه لاتخترق قانونها

تخطيط ابن ثعلي وابن عساف ماهو بمحبوك=سوولهم جمره خبيثه ورشحو غليونها
خل المصانع تشتعل والنار تالع فالبنوك=وهد المتاجر والمطاعم كب كل صحونها