الليل يا فوااز يا راع الدنادش والوشاح=يا للي لقيت الاسكريم وجزت من دون الشحم
استاقها وطلق رسنها لا تقيل فالمراح=واسرح مع اهل البل لا تلحق مداوير الغنم

الليل يالصاطي ياراع الحذف معزول السلاح = ياللي تفتّش عيبة الفقران وتمصّ العجم !!
حمّاية الميقاف ماترجع ليا حان الكفاح = الله يبيّض وجه رجلٍ للّوازم محتزم !!

ما عاد معكم يا لهذيلي لا مجي ولا مراح=ايدينكم فجيوبكم وسنونكم مثل الفحم!!
مدري متى نسمع مناديكم ينادي ع الفلاح=حتى نقول الارض مرضيه ولدنيا طعم!!

بالله وشبك صرت مثل الطير مكسور الجناح ؟ = ترى الزمن مايبتسم لك لين وجهك يبتسم !!
ودّك تخاوينا وخوّتنا مهي ضحك ومزاح = فرعون بنّاي الهرم مدفون في جوف الهرم !!

يا ليت ابن عايش تحرك مثلنا ولا استراح=ترى الوجود اللي على الا شي نوع من العدم
ولله ماخاويكم ولا لي في مخاوكم صلاح=انا خوي المسلمين اللي يزورون الحرم

الحاضر النّاضر كما ماقيل واللي راح راح = ان جاتك الاولى سلم فالثّانية ماهي سلم !!
وش عاد اسوّيبك ما دام انّك ورى صخرة رزاح = خلّك ورى الصخرة وبيت الله من النّاس ازدحم !!

اليا لقيتك فوق الارض اسقيتك السم الذحاح= يمكن لو انك شفتني تقعد تلوى بالسلم
اليا زدحم بطن الحرم نطلع على السطح المتااح= اهم شي انا مانسجد في تهامه لصنم

انكانها شيفتك تفجع ..!! كيف لا جالك صياح ؟ = نقرا على الشيطان بالاذكار حتى ينكتم !!
ياكمّ فارس قال انا راع العبيّه ثمّ طاح = مدري ضميره خادعه ولا طمع حمر النّعم !!

اليا دخلك الخوف لا تقرب مروين الرماح=من زين وجهك عاد يا فوااز يا وجه الندم!!
انا بنيت احلام ربيعي بالتقدم والنجااح= ونته دفنت احلام ربعك كلها تحت القدم!!

الزّين كلّه فيك يانورٍ مثل نور الصّباح = "كذّب " .. و " صدّق " عاد بصرك .. مانبا نقسم قسم !!
بالله لامنّك هرجت اهرج بمنطوقٍ مباح = الله يخلّي شيخكم مادام في قلبه نسم !!

الله الله


صحة السنتكم

الصاطي وفواز

مبدعين !!

فواز مدام التفت للمزح ماعندي مزاح=والخير كله فيك ونته فيك روح وفيك دم!!
انعاش ابو زيد الهلالي مالكم غير الجراح=وان مات ابو زيد الهلالي جيتك اشيل العلم

المشاركة الأصلية كتبت بواسطة فواز السعيدي (المشاركة 872281) الصاااطي ,, المبدع داااائمااا صح لساانك والى اللقااء تصبحون على خير