يامرحبا عد من صلى وصام وحج وزتار=ياضيف تلقى الكرم في دار وافين الخصايل
العلم هاته وتبشر بالحلول ان كنت محتار=تبشر بحل النشب بالحيل ولا بالمحايل

دام البقاء ياصقر حذرا تطيح بيد صقار=والعلم دله شروق البحر غرب جبال حايل
حنا سمعنا الخبر يارجل في نشرات الاخبار =لكن ماشفتله في الدار يالاصعر دلايل

ان كان قصدك هذاك العلم يارجال ماصار=الناس في نعمه وخير ولعل الشر زايل
نسمع مثل ماسمعتو ياجماعه واقبل الخار=بكره تربع بلاد الخير من غر المخايل

العلم ياصقر قالوا فيه ديب(ن) خلف الاسوار=ماهو مريح عتيبه لو جمع اربع قبايل
حنا بنعمه لكن تحوفنا من كل الامصار=ناسٍٍٍٍ(ن)تباالحمل ياشقران فوق شعيل مايل

تخاف من ذيب وانته في ديار اطوال الاشبار=اللي ليا شبت النيران في روس الفتايل
تحمى وطنها من العايل وتردع كل غدار=وتحكم بحكم العداله والوفاء والراس طايل

الخوف ماهو بطبعي مير انا مابامن النار=وكليب لوفطن ماحطوه من تحت النثايل
افطن لوقتك ولايغرك ترى هالوقت دوار=يمكن يدور الزمن ويصر في المركاز عايل