يا سلام الله سلام اسلام ما يقبل زياده = من هجوس الشاعر اللي غاب له مده طويله
جيت ابزور المريض اللي ترقد بالعياده = المريض اللي تردى حالته في كل ليله

مرحبا في مرحبا ترحيب ماجابه نقاده = عد مايبرق وينزل وبل همال المخيله
الله انه يالمطاري يفتح ابواب السعاده = للرجال اللي يحبون الجماله والفضيله

البقى ما بين مر وبين حلو وبين ساده = كل واحد حسب ما قدم يبا يلقى حصيله
علم اللي حطله في تالي الدنيا قلاده = ما نذوق الكيف دامه خالطٍ به زنجبيله

كل واحد مجتهد يفرح بمحصول اجتهاده = والزمن هذا نشوفه بين عدل وبين ميله
انت فيك الخير قله وافتهم وشهو مراده = يمكن انك تعذره بالتال وتخلي سبيله

وشنبا بدراستك لا صار ما معك الشهاده = لو تحاول ياطويل العمر ما حولك وسيله
صدق لامن قيل بأن المرجله تبغا جلاده = وصاحبي ما فيه قاصر مار جعل الله وكيله

انت مثل اللي يحذف الناس من سد العراده = من بعيد وخايف انك لاقضى حذفه تجيله
المراجل ماتبا رجال (ن) امثلج زناده = وانت فيك وفيك لكن ماتعرف المستحيله

ليه تعرض لي جنوبك دام فيك الخوف عاده = مالله مكلفك يابن الناس فحمولٍ ثقيله
قمت تضحك من عيون الناس يا عين الجراده = العرب تعرف مكانك يوم كلٍ له قبيله

جيت ابا اعلمك فن الشعر ياوجه القراده = اصبر اشويه واباخليك تسري بالفشيله
العرب تعرف مكاني فالشهامه والرياده = وانت معروف (ن) مكانك في حواري خنشليله

كيف ينطحنا بسيفه دام ذب مع الحماده = وشيبا يظهر صميله لو يبا ينفض صميله
انت لا جاء الضيف عندك جعلك تحقق مراده = اخبرك فزاع تصبر لو تذوق الحنظليله

يالله انك لاتعاقبنا غشى وجهه سواده = ياحليل ازياد يوم انه تكلم ياحليله
الكرم للضيف فاهل المرجله والطيب عاده = مير بعض الناس ضاع وضيّع الوالي دليله

زياااد الشطيطي=

يا سلام الله سلام اسلام مـا يقبـل زيـاده=من هجوس الشاعر اللي غاب له مده طويله
جيت ابزور المريض اللي ترقـد بالعيـاده=المريض اللي تردى حالته فـي كـل ليلـه!

خوي السعد =

مرحبا في مرحبا ترحيب ماجابه نقاده=عد مايبرق وينزل وبل همال المخيله
الله انه يالمطاري يفتح ابواب السعاده=للرجال اللي يحبون الجماله والفضيله!

زياااد الشطيطي=

البقى ما بين مر وبين حلو وبين سـاده=كل واحد حسب ما قدم يبا يلقى حصيله
علم اللي حطله في تالي الدنيـا قـلاده=ما نذوق الكيف دامه خالطٍ به زنجبيله

خوي السعد =

كل واحد مجتهد يفرح بمحصول اجتهاده=والزمن هذا نشوفه بين عدل وبين ميله
انت فيك الخير قله وافتهم وشهو مراده=يمكن انك تعذره بالتال وتخلـي سبيلـه

زياااد الشطيطي=

وشنبا بدراستك لا صار ما معك الشهـاده=لو تحاول ياطويل العمر ما حولك وسيلـه
صدق لامن قيل بأن المرجله تبغا جـلاده=وصاحبي ما فيه قاصر مار جعل الله وكيله

خوي السعد =

انت مثل اللي يحذف الناس من سد العراده=من بعيد وخايف انك لاقضى حذفه تجيلـه
المراجل ماتبا رجـال (ن) امثلـج زنـاده=وانت فيك وفيك لكن ماتعرف المستحيلـه

زياااد الشطيطي=

ليه تعرض لي جنوبك دام فيك الخوف عاده=مالله مكلفـك يابـن النـاس فحمـولٍ ثقيلـه
قمت تضحك من عيون الناس يا عين الجراده=العرب تعرف مكانك يـوم كـلٍ لـه قبيلـه

خوي السعد =

جيت ابا اعلمك فن الشعـر ياوجـه القـراده=اصبر اشويه واباخليـك تسـري بالفشيلـه
العرب تعـرف مكانـي فالشهامـه والريـاده=وانت معروف (ن) مكانك في حواري خنشليله

زياااد الشطيطي=

كيف ينطحنا بسيفـه دام ذب مـع الحمـاده=وشيبا يظهر صميله لو يبا ينفـض صميلـه
انت لا جاء الضيف عندك جعلك تحقق مراده=اخبرك فزاع تصبر لـو تـذوق الحنظليلـه

خوي السعد =

يالله انك لاتعاقبنا غشى وجهـه سـواده=ياحليل ازيـاد يـوم انـه تكلـم ياحليلـه
الكرم للضيف فاهل المرجله والطيب عاده=مير بعض الناس ضاع وضيّع الوالي دليله