سلام الله على العتبان واللي زاير العتبــــان = عدد وبل السحاب اللي ينومسنا برعاده
ابيلي شاعر (ن) يكرب حزامه داخل الميدان = نبا نارد على عد(ن) عليه النـــــاس وراده

هلا يامرحبا ترحيب يرجح كفت الميزان=عدد ما قلت يامشعل وزود كثره ازياده
توكلنا على الله ركبت الحبه على النيشان=وكلن حسب مجهوده يا مشعل ياصل امراده

يدوم الك البقا من عقبها ياشايب الرحمن = اشوف الوضع متدهور مابين القوم والسادة
ولا ندري من الرابح ولاندري من الخسران = وابوزيد الهلالي بالمعارك ثابت شداده

تشوف اللي تشوفه بس انا اشوف البلد بامان=تحت ظل الزعيم اللي بامانه عاشت ابلاده
اطع شوري وخلك من حدود المهد للصمان=ترا بعض الكلام يحد من قاله على ماده

انا عندي مثل واضح وازيدك لو تبي برهان = تعين صاحبك وش صارله في وسط بغداده
وعندي لك مثل ثاني وش اللي صار في لبنان = عسى الله يرحم عباده عسى الله يرحم عباده