تعال يا عبد المجيد العطاوي و اسمع البيت= و إليا سمعت البيت واجب عليك تجيب ردّه
لو قلت لي سوّيت ,,, قلت لك مدري ويش سوّيت !!!=مدّيت يمناك الكريمه ,,, و مدّيتك بمدّه !!

واصلك ردّي ياعلي يوم لبيوتك توحّيت=لكنّ لا تستعجل العلم من يمّك مردّه
اخير ما سويّت .. كفّك لكفّي يوم مدّيت=وهاذي اعتبرها ياعلي رابطة حبّ ومودّة

يالمحرم اللي تحلق الراس قبل إتطوف بالبيت=انته مع الشعار مثل المسام مع الاشدّه
فعل الفتى بيداه يصنع له الاذكار و الصيت=و الطيب للرجال من طيب ابوه و طيب جدّه

يالساري اللّي تحفر الجحر قبل تولّع الليت=وهذاه فرقٍ مع فروقك هذلّي نستمدّه
القوم تعرف عزوتي يابن ثعلي لا تعزويت=والكلّ منّا ياعلي ينعرف جدّه وعدّه

الموتر اللي في سوشته مع التشغيل تفويت=إليا طفى و إليا إشتغل فاللّوازم ما نعدّه
و إليا دعسنا له زياده يخلط الماء مع الزيت= الظاهر إنّه يوم خبّط من أسباب المكدّه

والموتر اللّي نشعبه مع عسيرات الخراريت=راعيه من نجد العذيّة وجالس وسط جدّة
واليا دعس له قام يضرب مثل ضرب الدناميت=باسباب شكمانه وزى به حصى الحرّة وسدّه

المشاركة الأصلية كتبت بواسطة حاكم الغنامي (المشاركة 864960) الله الله صحت الالسن والقلوووب متابع ابو فلاح وابو نمررر لاهنتو

هلا هلا حيااااااااااااك يابو عيد

المشاركة الأصلية كتبت بواسطة ابو لمار (المشاركة 864961) الله الله يابو فلاح صح لسانك يامبدع في انتظار عبدالمجيد متاااابع

هلا وغلا يابو لماااار اسعدنا وجودك يالذيب لاهنت

أنا ليا منّي تعزويت سنّعت النعاتيت= من يعترض في دربي آحطّ رجلي فوق خدّه
في داخلك عله قويه و في راسك عفاريت=و فيك الحراره عاليه و ارتفع ضغطك لحدّه

انته ليامنّك تعزويت في ماقفك وفّيت=واليا اعتزيت انا يقف كلّ رجلٍ عند حدّه
ماهيب والله كايدة من عللكم يالشفاليت=لو كان لك طرفٍ على التايعة دايم تلدّه

المشاركة الأصلية كتبت بواسطة علي فلاح العضياني (المشاركة 865608) صح لسانك يا عبد المجيد وبيض الله وجهك و تشرفت باللعب معك مودّتي

صحّ بدنك والشرف لنا طال عمررررررك

المشاركة الأصلية كتبت بواسطة العازمي (المشاركة 865641) مبدعين الى اخر حرف صحت السنتكم

الابدااااااااااع حضورك يابو طلال حياااااااك الله