العمر يفنى والحياة احلام والدنيا متاع =يا كم نفس روحت ما حققت مطلوبها
يا منخدع في ضحكة الدنيا ترى الضحكة خداع =لا تأمن الدنيا ولو تضحك لك مع جنوبها
إن ما تغانمت المراجل قبل ساعات الوداع =بعد وفاتك ماهي بصوبك ولا انت بصوبها
والمرجلة ماهيب سلعة تنشرى والا تباع =كم ناس يقومون ويطيحون ما فرحوا بها
اللي مولع بالضياع يروح لدروب الضياع =واللي مولع بالمراجل ما يغر دروبها
الطيب بين ومتعين ما على وجهه قناع =لكن بعض الناس عميا والجهل عذروبها
والغيب ما يعلم لكن العقل سيد الاختراع =ليا اشتغل عقلك عرفت الناس وش ف"قلوبها"
وإن كان ما انته مستفيد من الدماغ إلا الصداع =ما غير حظ الصيدلية ما تبور حبوبها
لا صرت ما تتعب على (والنعم) قدر المستطاع =صدت ولفت لك ظهرها واعطتك عرقوبها
وليا تملكت الكرم والحكمة وطول الذراع =لا تشغلك نفسك تراك اعطيتها ماجوبها
والواحد اللي لا كريم ولا حكيم ولا شجاع =مفروض يعطي ثوبه الحرمة ويلبس ثوبها

المشاركة الأصلية كتبت بواسطة فهد الزهراني (المشاركة 863945) كان لي شرف قراءتها مبكرا من خلال موقع الشيخي والشاعر الكبير وصل العطياني نموذح للشاعر الجزل المحترم ... قمة في العطاء ...فمة في الاخلاق... ووجه مشرف لجماعته وقبيلته ...ولايبحث عن الاعلام ... الله يوفقه وانا معجب ببشعره كثيرا.... والقصيدة كلها حكم ومواعظ ولانملك الا الدعاء لشاعرها بالتوفيق ...الدائم

المشاركة الأصلية كتبت بواسطة عبدالمجيد النفيعي (المشاركة 863956) ماشالله صح الله لسان الشاعر المبدع وصل العطياني رغم إنّه شاعر شاب إلا إنه كتب قصيده كأنها من قصائد الشعراء الاعلام مثل بن عون وبن جدلان ولاهان طلال المسيمر جزل ولا يجيب الا الجزل ولا هنت ياهايل تعودنا على الابداع بـ مواضيعك :)

المشاركة الأصلية كتبت بواسطة بناخي الايداء (المشاركة 863969) صح لسان الشاعر/ وصل العطياني العتيبي قصيده جزله تستحق النشر هايل العتيبي لاهنت على النقل تحيتي

المشاركة الأصلية كتبت بواسطة محمد العتيبي (المشاركة 863972) اولا : نشكر الكاتب طلال المسيمير على بحثه وتسليط الضوء على مثل هؤلاء الشعراء اللذين يملكون المادة الشعرية المفيده والمليئة بالحكم والمواعظ الحسنه .. كالشاعر / وصل العطياني .. ومن مثله من الشعراء الذين يهتمون بمثل هذه القصائد الرائعه والملامسه لأحساس المتلقي .. ثانيا : صح لسان ابو مشهور .. الذي عودنا على التناغم الشعري الرائع. أخيرا / شكرا ياهايل ...

المشاركة الأصلية كتبت بواسطة حاكم الغنامي (المشاركة 864016) وصل بن مشهور العطياني اسم لامع في سما وعالم المحاوره والنظم ويستاهل كل علمٍ غانم ولاهنت هايل

المشاركة الأصلية كتبت بواسطة مرزوق حمدان العتيبي (المشاركة 864022) وليا تملكت الكرم والحكمة وطـول الـذراع=لا تشغلك نفسك تـراك اعطيتهـا ماجوبهـا والواحد اللي لا كريم ولا حكيم ولا شجـاع=مفروض يعطي ثوبـه الحرمـة ويلبـس ثوبهـا .. شي طبيعي ان يسلط الضوء على مثل هذه الدره الثمينه بيض الله وجهك ياطلال على حسن ذائقتكــ .. وصح الله لسان ابو مشهور قصيده تكتب بماء الذهب .. .. ومشكور ياهايل ....

المشاركة الأصلية كتبت بواسطة أبونواف (المشاركة 864210) صح لسان الشاعر/ وصل العطياني قصيده جزله تستحق النشر وكلها حكم ومواعظ له الحق الكاتب طلال المسيمير بتسليط الضوء عليها وتستحق ذلك .. مشكور أخي هايل العتيبي ..

المشاركة الأصلية كتبت بواسطة السامي الجعيد (المشاركة 864222) يستاهل الشاعر العملاق والاسطوره وشاعري المفضل/وصل العطياني يملك نظره ثاقبه في المعنى والجزاله وقبل ذلك احترام وادب الف مبروك لنا نحن هذا التوهج قبل الشاعر/ وصل العطياني واجدها فرصه لكي اطلق على الشاعر/وصل العطياني شلفا عتابه وهو كفو لهذا اللقب

المشاركة الأصلية كتبت بواسطة بدر الكريزي (المشاركة 864906) وإن كان ما انته مستفيد من الدماغ إلا الصداع ـــــــــــ ما غير حـظ الصيدليـة مـا تبـور حبوبهـا قصيدة لا يُمل من قراءتها .. و لا غرابة في أن يسلط الضوء على مثل هذه الرائعة .. بيض الله وجهك يا هايل ..

المشاركة الأصلية كتبت بواسطة إستراحة محارب (المشاركة 865095) ما شاء الله تبارك الله , طلال المسيمير يُشكر على الإنصاف , ووصل العطياني يستحق كل خير ... مشكور يالغالي هايل

المشاركة الأصلية كتبت بواسطة عبدالله المسعودي (المشاركة 865109) يستاهل الشاعر المميز وصل العطياني وبيض الله وجه طلال المسيمير هايل ..لاهنت يالذيب

المشاركة الأصلية كتبت بواسطة الرشاش (المشاركة 867284) مشكور على التغطية وأبو مشهور كفو ويستاهل المتابعة والإهتمام

المشاركة الأصلية كتبت بواسطة ماجد الدعجاني (المشاركة 867328) لاهنت وبيض الله وجهك يستاهل الشاعر ولاهان الكاتب تقبل تحياتي هايل العتيبي

المشاركة الأصلية كتبت بواسطة رمح برقاا (المشاركة 891534) مساء الخيرر لله دررك يا وصل العطياني قصييده جزززله بكل ما تحمله الكلمه من معنى والف شكر لك يا هايل على نقلها

المشاركة الأصلية كتبت بواسطة فواز الدهاس (المشاركة 901933) - طلال المسيمير كفؤ ، و صل العطياني كفؤ و هايل العتيبي كفؤ ، و اعذرني فقد اعتقدت في البداية أن يكون هناك أمر سوء و الله يرعاك .

المشاركة الأصلية كتبت بواسطة وصل العطياني؟؟؟ (المشاركة 912579) لك الشكر الأجزل أخي "هايل العتيبي" والشكر موصول للأخ "طلال المسيمير" على الرغم انني لم اتشرف بمعرفته ... ولكن هذا دليل الأمانة والحس المهني لدى الصحفي ... فهو بحث عن القصيدة ولم يبحث عن الإسم ... فله الشكر ... وأشكر كل ّ من اتحفني بجميل الإشادة ... من زملائي أعضاء هذا الصرح الشامخ ... تحيااااااااااااتي

المشاركة الأصلية كتبت بواسطة محمد غازي النخيش (المشاركة 912592) الله اكبر الله اكبر لاهنت ياهايل لاهنت على النقل وصح لسان ابو مشهور شاعر كبير غني عن التعريف والله يوفقه دنيا وآخره قصيده جزله بمعنى الكلمه

المشاركة الأصلية كتبت بواسطة ابو سالم الروقي (المشاركة 912596) مشكوور يااااغالي والله يعطيك الف عافية دمت بووووووووووود

المشاركة الأصلية كتبت بواسطة أبوثنتين (المشاركة 921452) صح لسان الشاعر/وصل العطياني على أبياته الجزلة وفعلاً يتخللها الكثير من معاني الحكمة والموعظة وقد نافس بها الشعار الكبار ونرجو له التوفيق ومزيداً من التألق والابداع لا هنت اخوي هايل على المشاركة المفيدة