السلام عليكم

سمعت هذا البيت من الشعر والى هذا اليوم لا اعرف

من قائله .

ولكنني لم انساه (( وعملت فيها بطل ))

ورحت اردد

قال تفزع لو نخيتك قلت ما فيها كلام


راح جــدي سبّـة الفــزعه عسى الله يرحمه .


واليكم يا اخواني القصه .

وباللهجه العاميه افظل

كنت في يوم انا واحد اقربائي وفي مدينة جدة

وكنا طالعين نتمشّى وفجاءة دق الجوال

احد اصدقائنا وكنّــا نسميه (( فلان النكبة // بدون ذكر اسمه ))

كان الله يذكره بالخير مطفوق ..

ما علــــــــــينا ..

نرجع للموضوع

وقابنا وكعادته مطفوق والا يفرض رايه

وطعناه (( وياليتنا ما طعناه ))

وقام يحلف انا عازمكم الليلة باحســن المطاعم

وانا ما احب المطاعم ولا أ كلها

وطار فينا جزاه الله خير وطلب مالذ وطاب

وكعادته أخــذ يتلفت يمين ويسار (( أنا بديت اشك انه بيجيب العيد ))

وقدامنا طاولة وجلــس فيها ثلاثة كنت احسبهم ما هم سعوديين

اثنين منهم لابسين سبورت وواحد الله لا يوريكم

اش اقول طول بعرض بالعربي .. عريض المنكبين او المنكعين

المهم انه هامة طوله اتوقع مترين ووزنه مؤكد من مية وثمانين

واكثر وعضلات ..

المهــــــــــــم خوينا النـــــــــكبة جلس يستعرض بعضلاته

ويتحدا ويكرر اتحدوني ما اروح وأخــذ اي شي من الطاولة

اللي هم جالسين عليها .. وأنا اقوله يا رجال اشتبي فيه

وأصر الا يروح وياخذ الكتشب مع انه عندنا كتشب

وراح مثل البرق وأخذ الكتشب بكل قلّة أدب دون استئذان

ولا غيره وبثواني

والا خوينا النكبـــــــــة جاي طاير بين الارض والسماء

من شدّة البوكـــــــس اللي خذاه ..

وهنــــــــــــا بداء البيت يتكرر براسي خوينا ينطق

لا ورجع واعطا انحف واحد فيهم كف (( جاب العيد مره ثانية ))

ورحنا انا وقريبي نبغى نفك خوينا لعل وعـــــــسى

واخواتها نلحق عليه قبل يفرمونه وكلمه منهم وكلمه منه

واشعل المشكلة وصدقوني بعض الناس نكـــــــــبه

شوي والا داخل مجموعة اكثر من الضاهر اكثر من 18 شخص

وطلعوا زملائهــــــم بنادي من احد اندية الجنوب لا ادري من ابها او من الباحة

المهم انهم يلعبون ســـلة ( كرة السلة )

وجايين لجدة عندهم مباراة

يعني اخذونا تدريب .

وكلهم اجسام وحنا ثلاثة والنكبــــــــة تحت الطاولة

المهم اللي أتذكــره بعض الكلمات من مدرب الضاهر مغربي

وبنيات وهات يا ضرب وانا اقول يا شباب اوقفوا النزيف

كلــــها كتشب ما صار الا الخير .. والشباب طايحين فينا ضرب

والعمال يتفرجون واللي قاهرني

النكــــــــبة خوينا طلع أي كلام بس نكبنا وكلينا ضرب سنة

بساعه.

وعلى يد من ! على يد لاعبين اكبر منا عمراً وجسماً

والحمد لله انتهت المشكلة بعد ما اعطونا درس ما راح انساه .

ومن ذاك اليوم وانا اتذكــــــر ذا البيت من الشعر


قـــال تفزع لو نخيتك قلت ما فيها كلام

راح جدي سّــبة الفـزعه عسى الله يرحمه .

اتصدقون كرهت حتى الكتشب ( ههههههههه ).

وكرهــرت حتى كرة السله.

المهــــــــــــــم انا أســـــــف على الاطالة

وعلى القصة اذا كانت بايخة ولكــــــــــــــــــــن

أتمنـــــــــــــى أعــــــرف من قال هذا البيت ؟؟

وما مناسبته ؟؟


اُكــرر اسفي على الاطالة

ولكم مني جزيل الشكر والاحترام جميعاً


اخوكم / نواف 2006

نواف العتـــــــيبي

هلا وغلا

استراحة محارب .

ابداً وانا اخوك خوينا ابو نكبه صار ينطق حرف السين ث

يقول وين الثلاح = السلاح (( عامل فيها بطل ))

وهو ما عنده مسدس مـــاء هههههههه.

اخر شي قال وين المثتثفى او وين الثيدليه .

........................

مشكور اخوي على مرورك واتمنى لو تعرف من هو الشاعر

وما المناسبة

تحياتي واحترامي لك .

اشكرك اخوي على المشاركة

حياك ابو بدر احترامي لك عزيزي .