غنى العريدي في جزيلات الاشعـار=مثايـلٍ مثـل الذهـب فالقوالـيـب
قرايـح يطـرب لهـا كـل بيطـار=من هاجسٍ رتـب معانيـه ترتيـب
في شيخنا واف الخصايل والاشبـار=فيحان بن تركي عطيب المضاريـب
يا مرحبا يـا ملفـتٍ كـل الانظـار=اللي نمـاري فيـه عنـد الاجانيـب
يا مرحبا ياللي لـك الكيـف ينـدار=تستاهلـه مافيـه شـك ولا ريــب
ما غرد القمري على روس الاشجار=واعداد ما خط القلم فـي المكاتيـب
يا صامل الوقفـات يالوالـد البـار=يانورنـا فـي مظلمـات الغياهيـب
يا مزبن الي مـن بلاويـه محتـار=تنشرلك البيضا بـروس المذاريـب
انت الذي مثـل البليهـي اليـا ثـار=حملك على غيرك يابو نايف صعيب
فكيت حبس الي مـن الهـم منهـار=عليـه همـه والروابـع جنـاديـب
وبديت في جاه الزحازيـح الاخيـار=كبار الاسامي ناطحيـن المواجيـب
ودون الثبيتي ما تغاليـت الاسعـار=ما انته من الي عادته صرة الجيـب
ولا ابديت من دون المواجيب الاعذار=اربع سنيـن تقتلـب كنـك الذيـب
انا اشهد انك مثـل هتـان الامطـار=غيثٍ لربعك في السنيـن الشلاهيـب
وانا اشهد انك من صليبين الاشـوار=حيد ٍتذري عـن سمـوم اللواهيـب
يابن العديم الي لـه الطيـب معبـار=مثل العلم فـي عاليـات الشخانيـب
بيـن القبايـل لـه مكانـه ومقـدار=وتنصاه شيخان العـرب والمناديـب
تركي عسى ربي يجيره مـن النـار=في جنةٍ فيهـا الفيـاض المعاشيـب
وانته بنيـت بقمـة المجـد تذكـار=وصيـتً تعلـى للنجـوم المراقيـب
والمرجلة بنـت خطاطيبهـا كثـار=عمهوجة ٍ تكثر عليهـا الخطاطيـب
تبغى حكيـم فـي اللوازيـم مغـوار=ماهيب رزة بشـت و الا مناصيـب
شامت لشيخ يكرم الضيف والجـار=يقبل على العليا ويقفي عـن العيـب
في الساحل الشرقي مثل ضلع سنجار=عدٍ مثل هـداج صـاف المشاريـب
تارد عليه الناس من كـل الاقطـار=ويلوذ به مـن ذاق مـر وعواقيـب
في مجلسة تلقى صواريـم الاحـرار=والشاذليه والشحـم وازرق الطيـب
يا ترثة شيوخن يدوسون الاخطـار=اهل القنا واهل السيـوف المحاديـب
سواقة العطفه علـى قـب الامهـار=واليا عطو يعطون من شمخ النيـب
سلايل محصن هل المـدح والكـار=لا طوحـن بغطيهـن الرعابـيـب
الله يجيرك من صواديـف الاقـدار=في جاه رب يعلـم السـر والغيـب
وختامها صلو علـى سيـد الابـرار=نبينا الـي جنـب الشـرك تجنيـب

المشاركة الأصلية كتبت بواسطة هايل العتيبـــي (المشاركة 862376) ياسلااااااااام .. صح لسان الشاعر / سعد العريدي .. والشيخ فيحان بن تركي يستاهل .. ولاهنت يالصف الواحد والله يعافيك على النقل. .......

المشاركة الأصلية كتبت بواسطة الدولااار511 (المشاركة 862500) كفو كفو وتسلم ولا هنت على الموضوع

المشاركة الأصلية كتبت بواسطة الدولااار511 (المشاركة 862500) كفو كفو وتسلم ولا هنت على الموضوع

المشاركة الأصلية كتبت بواسطة ابن صنهوت (المشاركة 862502) يستاهل سلايل راعي سبلا والطيب مايستغرب على هله لاهنت يالصف الواحد

المشاركة الأصلية كتبت بواسطة الــــوافـــي (المشاركة 862529) يستاهل الشيخ: فيحان تركي ابن ربيعان وبيض الله وجهك يالصف الواحد على هالمشاركه الطيبه

المشاركة الأصلية كتبت بواسطة عشقa (المشاركة 863789) صح لسان العريدي ويستاهل ابن ربيعان ولاهنت يالصف الواحد على هالمشاركه ...

المشاركة الأصلية كتبت بواسطة محمد العتيبي (المشاركة 864374) صح لسانه وسلمت يمينكـ على النقل

المشاركة الأصلية كتبت بواسطة مشعل العريدي (المشاركة 866023) كفووووووووووووووووو صح الله لسان سعد ,, يالذيب اذا عندك قصيدة ملفي المورقي بحفل العرده اسدحها هنا ولاهنت يالصف الواحد تسلم

المشاركة الأصلية كتبت بواسطة ولدعساف (المشاركة 936369) يستاهل سلايل راعي سبلا والطيب مايستغرب على هله لاهنت يالصف الواحد