سلام الله على ربعي وانا واحد من العتبان=سلامٍ يشمل القاصي من العتبان والداني
معي مشعابٍ محنا وابنزل ساحة الميدان=وابي لي شاعرٍ مطنوخ يقرب ويتحداني

هلا يا مرحبا بك مير عممها على العربان=ولا تفرق عيال القوم واحدها عن الثاني
تقدم واذكر الله يا عتيبي والعن الشيطان=وسر الليل والميدان ميدانك وميداني

يدوم لك البقا ياللي ترحب واذكر الرحمن=وراجع في حساباتك وتعرف من هو الجاني
نبا نلعن بليس ونضبط الحبه على النيشان=ونشعلها حريقه والعمر يالاجودي فاني

تنقص حسبة السكان ما تسلم من السكان=وطيت ابرجلك العرجا الخطر وان جاك ما جاني
تشّيل كسرة العود وتساوالك على البيبان=وطحت بواحدن من قوم اهل عمهوج بطراني

مدام انك بديت تعاند الزرقان و الحمران =تبا تاخذ ليالي ثم تحضر في بريماني
اشيل كسرة العود وبكسرها على العدوان=لكن احسب حسابك واحذر احذر ياعضياني

نويت أطينها معك لكن حذرا من الزرقان=حصلي مشكله معهم عسى ربي ما يبلاني
موصيني حياة العود قال احذر من التعبان=فشيله لن غلبته وان ذبحك اتروح مجاني

مدام انك بدون قرون ليه تناطح الضلعان=تعوذ من بليس وخل عنك فلان وفلاني
رحلنا عن ديار العمي حولنا على العوران=عسا الله يمسح العميان والعوران من داني

وعمرك شفت حرٍ يا عميلي لان للغربان=وهاذي دبرة الله يوم زودها بجنحاني
هذولا طالبان اللي رثعوا في عفش باكستان=ولا أشبّه عليك بشر خلك كنك أفغاني

الله على ربعي وانا واحد من العتبان=سلامٍ يشمل القاصي من العتبان والدانـي
معي مشعابٍ محنا وابنزل ساحة الميـدان=وابي لي شاعرٍ مطنوخ يقرب ويتحدانـي

هلا يا مرحبا بك مير عممها على العربان=ولا تفرق عيال القوم واحدها عن الثاني
تقدم واذكر الله يا عتيبي والعن الشيطان=وسر الليل والميدان ميدانـك وميدانـي

يدوم لك البقا ياللي ترحب واذكر الرحمـن=وراجع في حساباتك وتعرف من هو الجاني
نبا نلعن بليس ونضبط الحبه على النيشـان=ونشعلها حريقه والعمر يالاجـودي فانـي

تنقص حسبة السكان ما تسلـم مـن السكـان=وطيت ابرجلك العرجا الخطر وان جاك ما جاني
تشّيل كسرة العود وتساوالـك علـى البيبـان=وطحت بواحدن من قوم اهل عمهوج بطرانـي

مدام انك بديت تعاند الزرقان و الحمـران=تبا تاخذ ليالي ثم تحضـر فـي بريمانـي
اشيل كسرة العود وبكسرها على العـدوان=لكن احسب حسابك واحذر احذر ياعضياني

نويت أطينها معك لكن حذرا من الزرقان=حصلي مشكله معهم عسى ربي ما يبلاني
موصيني حياة العود قال احذر من التعبان=فشيله لن غلبته وان ذبحك اتروح مجاني

مدام انك بدون قرون ليه تناطح الضلعان=تعوذ من بليس وخل عنك فـلان وفلانـي
رحلنا عن ديار العمي حولنا على العوران=عسا الله يمسح العميان والعوران من داني

وعمرك شفت حرٍ يا عميلي لان للغربـان=وهاذي دبرة الله يـوم زودهـا بجنحانـي
هذولا طالبان اللي رثعوا في عفش باكستان=ولا أشبّه عليك بشر خلـك كنـك أفغانـي

الا ياليت مرسيدس ماعاد تورد الحصنان=بلشنا فالمواتر بين جفالي وحصناني
اثر نصر الله يخطط لقلب الحكم في لبنان=يشوف الوضع متردي وشن الحرب طمعاني

أنا ما أشره على اليابان يوم تورد الجابان=كبنّ الوضع متلخبط بتايوته ونيساني
لو انّ البابه يحنّا يجمّع حوله الطليان=مصير الذيب يفرسهم جميع الشعب طلياني

يقولون العرب يالاجودي من خالط الجربان=يجيه من الجرب عدوى ولو مع مر الازماني
انا عارفك ياشاعر زمانه شاعرن طفران=ولاتملك عصا موسى ولاخاتم سليماني

عسى ربي يعيدك ياليالي رايد شعيفان=هنيّا لا تروغ ثمّ تجلد جلدة الزاني
تنشّد عن ضحايا القوم من كبشه ليا ميسان=أنا ما أبغاك مير أنته على ذبحتك تحداني

انا مارد نفسي ياطويل العمر للورعان=وبعض الناس يرفع من مقامي يوم يشناني
ابو عرام حالق شاربه والدقن والحجان=وتال الوقت جاله ريش ياربي لاتبلاني