يالتاجر اللي عملتك تنعد فبنوك الذهب = يحترمك الوزن الصعب والطرق ويّا القافيه
جولك ثلاثه لبسوهم لابتك اعلى الرتب = ليه التجاهل وانت شاعر ماعليك اخلافيه

يالشاعر اللي تبدع القيفان وتغني طرب = راع الوفاء منّا يحصل كل مدّه وافيه !!
يستاهلون الطيب ربعي وانت لله العجب = ودّك تسوي مشكله مير الاشاره كافيه !!

ياللي نزلتوا بالشعيب الجرهدي ويش السبب = مادام في قلبك طموح ارقب على المشرافيه
رضيت في وضعك لو ان وضعك مع العالم صعب = مير اطلب الرحمه وحسن الخاتمه والعافيه

ماقلت لك ياللي تشب النار كثرت الحطب! = كم نار تالع من شرار وكمّ نار ٍ طافيه !!
انا حضرت وجيت وأسدّ اللوازم والطلب = والا انت لاهالحين يارجال ماتنشافيه !!

لو عندي اعلاج الجرب ان كان عالجت الجرب = مير البلا بعلوم عن بعض الآوادم خافيه
ياصاحبي ياللي تحسب ان العجم مثل العرب = فعلي تشوفه باللوازم وانشد العرّافيه