تعال يا راع البعير اللي على ارقبته عمود=حنا عرفنا جمالكم بوسومها فارقابها
الشرّ جعله ما يجي و الخير جعله فالوجود=و انته تعرف الكلمه اللي قلتها و اسبابها

المشاركة الأصلية كتبت بواسطة علي فلاح العضياني (المشاركة 858634) شاعر زمانه حياك الله و يشرفني اللعب معك بطاروق استلم ;) تعال يا راع البعير اللي على ارقبته عمود=حنا عرفنا جمالكم بوسومها فارقابها الشرّ جعله ما يجي و الخير جعله فالوجود=و انته تعرف الكلمه اللي قلتها و اسبابها

خل الجمل جنب الجمل لاتقدح بروس الزنود=جمالنا وجمالكم والقوم عند أصحابها
اللي يجي بالطيبه بالطيب يذكر ومعهود=واللي يجي بالهابطه يسرابه ويسرابها

الحمل عنها فوق ظهر شعيل مفتول العضود=يهدر و عينه للجمال اللي تحدّ أنيابها
المملكه ما عزّها الله غير بعيال السعود=و العنصريّه يالعتيبي قافلين أبوابها

اشعيل هاذا مانعرفه مير كان انه هبود=لا يطرح الحمله ويتربها ليامن جابها
المملكه برجالها كل عن حياضه يذود=خل الذيابه تقنب ليا اوحت قنيب ذيابها

إن قلتها من معرفه لعل عرفك ما يعود=و ان قلتها من جهل كلمه ما حسبت حسابها
هذا وطنّا يالعضياني و حنّا له جنود=الله لو إنّ المعاني تستتر بثيابها

ان كان في راسك نعاره فأنت ما تنقص تزود=ماتحكم الاسما ولا بيتين له غنابها
الأوله فاتت لكن باقي على الماضي شهود=وبعض العرب متساويه فحظورها وغيابها

إموشّر أسهمكم نزل ,,, و موشّر أسهمنا يزود=أطلق شنب غطّى على قومٍ ترفّ أشنابها
مال الجنازه غير تدفن في طويلات اللحود=و الله يعين المدرسه على بعض طلابها