عتيبه كلهم شعار ماعمري لقيت صفوف=اثاري عتيبه الهيلا يسير الشعر في دمها
الا يالشاعر الوافي والايالشاعر الملقوف=يقولون الرجال ان الليالي فاتحه فمها

هذاه العلم يا ريف المسيّر واضح و معروف=و لا نبغا شهاده منك لعتيبه تقيّمها
أنا شاعر ليا جات المواقف ما عليّه خوف=مسلّطني على الشعّار ربّي ,,, و أنته افهمها

الا ياطير ياطير السماء ريشك ترى منتوف=وليا قيمت انا الشعار فالمقصد بعلمها
تسلط فوق من لايفهم المعنى وناقص شوف=وكثير اللي نضيق ياعلي دايم مناسمها

المشاركة الأصلية كتبت بواسطة سعد الذابح (المشاركة 857490) الليل ياريف المساييييييييييير واصل لله درك ولايهون علي فلاح العضياني الصف صفك ياريف المسايير متابعين بقوه

بدون حرام في وسط الحرم لا تستعي و تطوف=ترى مكه على طول الزمن ربّي مكرّمها
تراك أوّلهم انته فيك من بعض الوصوف وصوف=لكنّ الحنظله تعرف طعمها حين تطعمها

انا لاجيت مكه جيتها مسلم نظيف كفوف=احد المجرمين بوسط مكه ثم اسلمها
ترى من عادة الشعار ماتلعب على المكشوف=ياشاعر شد حيلك والسوالف لاتخمخمها

المشاركة الأصلية كتبت بواسطة نايف بن ملحق الثعلي (المشاركة 857503) واصل لله درك ولايهون علي فلاح العضياني الصف صفك ياريف المسايير متابعين بقوه

أحاول فيك يا ريف المسايير أصنع المعروف=و لكنّك من المعروف نفسك ليش محرمها
على شانك ما تفهم لين أوضّح لك نقط و حروف=عليّه ما تحصلّك فرص حتّى تغانمها

تحاول ماتحاول ياعلي شمسك لحقها كسوف=عسانا لا لقينا تركة التاجر نقسمها
كليت من الكباب المشوي وباقي صحن ملفوف=شوارب صاحبي راع الوفاء واجب ادسمها

مدام اسمك كذا بكره ترى حنّا علاك ضيوف=و نعطيك الشهاده بعد ما بالختم أختّمها
يا بعد الشعر كل البعد عن كلامك المصفوف=تصفصف لك كلااام تقول هذي شعر أقدّمها

ليا من صار لك شف ونوايا للرجال شفوف=وليا منك بنيت بيوت عز وطيب مااهدمها
توجد يابعد حالي ونطلع صورتك بقطوف=مدام ان صورتك ياهيه نمسحها ونرسمها

المشاركة الأصلية كتبت بواسطة علي فلاح العضياني (المشاركة 857602) صح لسانك و تشرفت باللعب معك