مرحبا مليون ترحيب يامحمد رشيد=شد حيلك ثم هات السوالف كلها
يامحمد صاحبي عندكم علمً جديد=والله اعلم وش حرام العلوم وحلها

المشاركة الأصلية كتبت بواسطة نايف بن ملحق الثعلي (المشاركة 857141) مرحبا مليون ترحيب يامحمد رشيد=شد حيلك ثم هات السوالف كلها يامحمد صاحبي عندكم علمً جديد=والله اعلم وش حرام العلوم وحلها

البقا يالشاعر اللي تفيد وتستفيد =والسوالف طيبه كلها في حلها !!
يابن ملحق لاتجيب الكلام الا الاكيد = والعلوم اللي بليا دلايل خلها !!

الليال دور والله يدبر مايريد=انتبة واللي يعقد الحبال يحلها
الدعاوي عندكم لاتدورها بعيد=ثابته واللي يعرف الدروب يدلها

حط في يدين المطيه عن السرقان قيد =ثم هل السالفه يالعتيبي هلها !!
ماجهل في علمكم غير ابو قلب ٍ بليد = منت لاقي لك ديار ٍ خلا تحتلها !!

السواير ثوبها يالعتيبي مايبيد = بارك الله في شجرةً يضلك ضلها
اعترف بالحق والموت في حبل الوريد=انت اضنك مابقى الا الدموع اتهلها

لو تعرف الحق ماجبت واهيت العبيد = ردها ماحب كثر الهروج وقلها !!
لوتضوي كثر الاحلام للرجال فيد ؟؟ = كان كل اللي حلم غايته ياصلها !!

من يغط النور ياصاحبي ملعون سيد=والهروج العوج ماجيبها وفطلها
المشاكل ياعساها تروح ولاتعيد=وانت ضاعت حجتك والكبود اتعلها