وين الشواعير عندي هرجتن غلفتها بالذهب=مكنونها في خلايا المخ ترقص لي شياطينها
الليل والعين غطاها الهدب قدم العجم والعرب=مادامت الروح ماجاها الذي يمشي على دينها

ياللي تنادي على هونك وصلك اللي يسدّ الطلب=تهجد شياطين راسك يالسبيعي منه في حينها
وش عاد وش عاد ,,, يا محمد ليا عينك غطَاها الهدب=المملكه ما حكمها يا سبيع الاّ سلاطينها

يالي تسد الطلب مسرع ومتهور وأكلت المطب=ياكبرها يالعضياني على حضرتك ياشينها
موديل اللفين غرز والدبل خربان يابو شنب=والناس تسمع باذانيها وخلق الله ترى بعينها

يا محمد انت شعمت النار ثمّ أصبحت فيها حطب =حوّلت في وسطها و أنا ما أشوف الاّ دخاخينها
يا بو شبيب انت و الله من رجالٍ تستحقّ الشبب=و أبشر بواجبك كلمه قلتها و أحمى مضامينها

ياذيب ياذيب كان الوالي المعبود بأمره كتب=أني على وكر أبو عرام اباحرر مساجينها
أنا أدري أنك من أهل المعرفه شاعر بفن وأدب=لكن بعض الرسايل منك ما تاصل عناوينها

يا محمد انته ما متّ الاّ بعد ما جا لموتك سبب= قبلك جميع العرب ما قدرت تحرّر فلسطينها
ياللي تخطب الهنوف المترفه ذات الحسب و النسب= و الله لتبطي و تبطي ما تحطّ إيديك في إيدينها

أقول مافيك حيله يالعضياني عقيد الشغب=فعلك هنا وغيركم خاض المعارك في ميادينها
ألعب معى النادي المشهور لو أني عضو منتخب=يالي تعشق الهنوف المترفه ياوينك وينها

المشاركة الأصلية كتبت بواسطة علي فلاح العضياني (المشاركة 857611) محمد شبيب السبيعي صح لسانك و تشرفت باللعب معك