على العضياني علي علمٍ نبا رده سريع=وابن فلاح يغوص في جرز البحور ومدها
الحول ذاه اتصيف العضيان فالخط السريع=انا اعرف العضيان لاجات المهمه قدها

اركد شويّه و الدليله فالمساري ما يضيع=و الكلمه اللي قلتها ياصلك منّي ردّها
حنّا تقدمنا بسيفٍ سلّته تلمع لميع=يوم إنّ ابن غازي معه سكينةٍ ما حدّها

انا سمعت انك غزيت القوم بالسيف البريع=وعودت وانته ماوسمت اللي ذبحكم ودها
ياراعي البل روح للمفلى وحدر كل ريع=منت بسوات اللي تروم الطيبه وتشدها

الله يبيّض وجه رجلٍ نومس عتيبه جميع=و انته تريّح ,,, طالبك مدّ اليمين و شدّها
يوم إحتمت شمس الضحى و الزبده البيضاء تميع=بعض العرب تبغى المراجل و الظروف تحدّها

ربعٍ يهدون الصعب غصب عن الكايد يطيع=امريحين اللي كذا هات العلوم ودها
اللي طمع فالطيبه يشري مع القوم ويبيع= لي نظرة ٍفوق الثريا للثرى مالدها

عساك يا محمّد تربّع بعد ما طاح الربيع=الناس تمزح معك ما تهرج معك من جدّها
ان كان تبغى تدخل الجنّه مع الباب الوسيع=صل الصلاه بوقتها و عشّ الضيوف و غدّها

الاوله جيت وطردت الشيخ سمحان الطليع=والثانيه حان الوعد والكايدات انقدها
امطبق السنه واعرف الرب خلاق سميع=والضيف يلقى واجبه عد الذبايح عدها

نشره عليك ان كان ضيّعت الوداعه يالوديع=تصبح سوات اللي بصابيعه عيونه سدّها
انته ولد و اللي على يمناك رجالٍ شجيع=عزايمه صمّ الجبال النايفات تهدّها