يامرحبا ياراعي البشت المطرز بالحرير = الي من اصحاب المعالي للعرب يهدونها
يصير هذا ياطويل العمر ولا مايصير = ناس ٍ تصلي بالعرب وهي تحفٌ دقونها

المشاركة الأصلية كتبت بواسطة مقهوي (المشاركة 854474) يامرحبا ياراعي البشت المطرز بالحرير = الي من اصحاب المعالي للعرب يهدونها يصير هذا ياطويل العمر ولا مايصير = ناس ٍ تصلي بالعرب وهي تحفٌ دقونها

يا مقهوي الله لايهينك لا تعجل بالمسير = واعرف ترا جملتك لو صعبتها يا هونها
ما دام ما لك خبره اخذ العلم من راس الخبير = لا تنقد اللي هرجته بين الرجال يصونها

المشاركة الأصلية كتبت بواسطة حاكم الغنامي (المشاركة 854475) الله الله عليك يامقهوووووووي سجل اعجابي بها البيووت وووصح لسانكـــ وننتظر بن دحيم وصح لسااااانه

صح بدنك

لاهنت على المرور

والمتابعه

المشاركة الأصلية كتبت بواسطة حمد بن جوباح (المشاركة 854482) . .. الله الله يا مقهوي صح لسانك ولسان ابن دحيم مقدما ً وانا اقول ما طبها الموس :) متابع . . . تحياتي لكمـ ،،

صح بدنك


لاهنت على المرور

المشاركة الأصلية كتبت بواسطة سلطان الجـذع (المشاركة 854487) ... طيب طيب طيب يااااااااااااااسلام ... صح لسانكـ وفي انتظار المذكور اعلاه :)

صح بدنك

ولاهنت على المرور

المذكور ههههههههه

الشك مامن شك ياسلطان والدنيا بخير = تمره وطاحت ياطويل العمر من عرجونها
لكن ٌ من باب التواضع والامانه والظمير = قوم اعترف واخصامك الي جوك حب متونها

المشاركة الأصلية كتبت بواسطة مقهوي (المشاركة 854527) عذرا على التأخير لظروف طارئه الشك مامن شك ياسلطان والدنيا بخير = تمره وطاحت ياطويل العمر من عرجونها لكن ٌ من باب التواضع والامانه والظمير = قوم اعترف واخصامك الي جوك حب متونها

يا صاحبي ودك تعوم بغبة البحر الغزير = تهومها يالقرم وتشوف الخطر من دونها
اليا اعترف من قام دون الحق بالسيف الشطير = تعال قلي والعلوم الصايبه تلقونها

حنا سبحنا في المحيط ولا يغرقنا غدير = والي يبي دٌر البحور يعوم قاع بطونها
من عقب تصوير الاشاعه مانبي شور الشوير= بان العرج في ساقها من قبل لااتخفونها