هلا يامرحبا بالوايلي في منتدي العتبان=نرحبه نحييبه وهو من جملة اخواني
نبا منك العلوم وكل كفه تحتها الميزان=انا خابرك من قوم ن لهم تاريخ شجعاني

عسى فيك البقا حنا ترانا كل ابونا اخوان = تجمعنا العوايد والسلوم وقو الايماني
لنا تاريخنا وانتم بعد من ماضي الازمان = شهد لفعولكم رمح وبعير وسيف وحصاني

علامك يوم تسرقني وانا روقي من اليديان= نبا منك الصكوك وقدم الحجه وبرهاني
نويت اشكي واقدم حجتي للحاكم السلطان=تواريخ ن قديمه ورثوها لي جداني

يابن روق الاسامي نوب تركب في بعض احيان = واسامينا معروفه وانشد القاصين والداني
لوان تشكي تبا ترجع يالايداء وخاطرك زعلان = ترى العرّيف تعرف من فلان ومن فلنتاني !!

ترانا من شيوخ اربوعنا وانتم بعد شيخان=لكن المشكله تكمن من الاول من الثاني
لك الله لي تواريخ ن تبا تشهد بها العربان=تواريخ ن نسطرها بحد السيف شماني

لو اجمع كل قبيله ثم اسوي معهم استبيان = تبا ترجح لنا الكفه لكن ّ اسكت على شاني
ونعم ٍ فيكم وحنا هلا السيف الحدب والزان = مواقفنا غدت قصه تناقل عبر الازماني