سلام الله سلامن فيه لاهل الدار ترحيبه=تعدى ارض الحصاه ولا تعدى كل قحطاني
وصل قحطان برساله ويحمل راية عتيبه=وفي ما يحمله بندق ورمح وسيف وحصاني

هلا يا مرحبا باسم الرجال اللي لهم هيبة=ودار دونها رجال تحزم بام تيجاني
سلامك يالعتيبي تحتفظ به ويش نبغي به = ما دامه خالف السنة ووافق منهج ثاني

المشاركة الأصلية كتبت بواسطة مرزوق حمدان العتيبي (المشاركة 853417) .. . الله الله صحت الالسن .. ويعطيكم العافيه .. ...

انا ابنشدك عن ذيب (ن) رقى عالي مراقيبه=بعد ما كان قدم الذيب ابه ثلاث ثيراني
حدن حول من القمه وابه من طاول شعيبه=وابه من ذاق طعم السم وامسى الليل وجعاني

ترا كل الثلاث ذياب والمرقاب تبديبه = عيونك يا مصخر ما بلاها الا عمى الواني
اظنك تعرف السرحان ما تجهل مضاريبه = وضان القوم من صوته يجيها ذل وجناني

ترى كل الكلام موثق(ن) والناس تدريبه=وانا اشوف الحرار اللي بلا مخلب وجنحاني
عرفت الحصني اللي لا طردته يلوي ذنيبه=تكلم ياعرب لو ما معه حجه وبرهاني