جاني كتاب ٍ مرسل ٍ من ثنيان = لاخير في المرسل ولافي كتابه
لكن لاجتني رساله من انسان = ارد مع ساعي بريده جوابه
واقوم كان الخصم شاعر وله شان = واشوم كان الخصم بومة خرابه
اشوم واجازي الخطيه بالإحسان = لو كان عنده في الكلام انهذابه
ماقول له مخطي ولا اقول غلطان = ليا صار مايعرف خطاه وصوابه
لو جاب لي طرد ٍ بالأوهام مليان = والبسني اقدم مقطع ٍ من ثيابه
ماينبني بيت ٍ على غير سيسان = الناس تعرف نسبته وانتسابه
الناس فيهم حر وعقاب وحصان = وفيهم كديش ٍ من سلالة زلابه
وعند الحكومه كلهم مثل الأخوان = لكن مابين المعادن تشابه
الفرق شاسع بين شامان وفلان = فالأصل لايوجد علاقة قرابه
الا حقوق الجار وحقوق الإنسان = وهدي النبي ومعاملات الصحابه
ولو ان خصمي من صواريم حوران = يجيه مردود النقا فالإجابه
ولا خير في قول ٍ على غير برهان = وكل ٍ يجرب قدرته فالمجابه
ولو انهزم فالمعترك بعض الأحيان = الي على الخصم العنيد انقلابه
اليا فتح بيبان غلقت بيبان = حتى حدانا ينتهي بإنسحابه

هههههههههههههههههههه

لله درك يابوصالح عزالله انك علم من اعلام الشعر والرد

صح السان كديميس واعجاب بهالبيتين بحطها توقيع لي

صح لسان المرعب كديميس العصيمي

وبيض الله وجهك يانامي

المشاركة الأصلية كتبت بواسطة أبونواف (المشاركة 853397) لكن من يكون ثنيان هذا وش المناسبه أرجوا من لديه خبر أفادتي .

الناس فيهم حر وعقـاب وحصـان=وفيهم كديش ٍ من سلالـة زلابـه

المشاركة الأصلية كتبت بواسطة خلف الروقي (المشاركة 932916) صح لسان القوه العظمى الشاعر القدير/ كديميس بن صالح ....... بارك الله فيك يانامي على النقل الثمين ..... تحياااااااااتي