الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   سلام ردية تزينها قوانين الرجال !! ,,, علي العضياني (http://www.otaibah.net/m/showthread.php?t=90609)

فواز السعيدي 10-May-2009 08:12 PM
سلام ردية تزينها قوانين الرجال !! ,,, علي العضياني
 
علي استلم :)


سلام ردية تزيّنها قوانين الرّجال = حتى انت ياوجه الرضى تمشي على قانونها !!
قدّام لا نضرب علي نضرب على مثله مثال = كم واحدٍ يرثع يبا الطمعه وعوّد دونها !!

علي فلاح العضياني 10-May-2009 08:35 PM
يا مرحبا ترحيبةٍ تكرم كريمين السبال=حتّى انت تدخل يا وسيع الصدر في مضمونها
قدّام لا تضرب مثال أفقع عيونك بالخلال=و هذيل دايم بالخلال إنطزّها فعيونها

نايف بن ملحق الثعلي 10-May-2009 08:37 PM
علي القوه
واصلو

عبدالله الاصعر 10-May-2009 08:41 PM
قدّام لا تضرب مثال أفقع عيونـك بالخـلال
و هذيـل دايـم بالخـلال إنطزّهـا فعيونهـا




صح لسانك يابو فلاح


وصح لسان السعيدي


واصلو

والصف صفك مايحتاج

قادح شرار 10-May-2009 08:53 PM
هههههههههه .

الدعوة عوّدت فقع عيون ..

صح لسانك يالسعيدي .

وصح لسان الفالح ..

بدر الكريزي 10-May-2009 08:59 PM


يالله تستر :)


صحت السنتكم شعراءنا ..

متااابع ..

علي فلاح العضياني 11-May-2009 02:04 AM
نايف ملحق


صح بدنك

علي فلاح العضياني 11-May-2009 02:06 AM
الاصعر


لاهنت على مرورك

علي فلاح العضياني 11-May-2009 02:08 AM
قادح شرار


يا مرحبا يابو شرار

فواز السعيدي 11-May-2009 12:33 PM
طيب طيب

اكثر عباد الله تسمّّيك اجودي وابن حلال = صحيح هذا العلم ؟ ولاّ الناس زاد جنونها ؟ !!
ياهل المحاني ماخبرنا يمّكم عدٍّ زلال = ماغير ناسٍ نافخين ظهورها وبطونها !!

فواز السعيدي 11-May-2009 12:35 PM
نايف

الاصعر


قادح


بدر


تسلمون

علي فلاح العضياني 11-May-2009 12:53 PM
كنز ( المعزّه و الوفاء و الطيب ) عندي راس مال =أفرح به الصدقان و العدوان أزيد غبونها
نعطيك ( كلمه ) روح فسّرها على كلّ إحتمال=أنت هذلي و هذيل لونك ما يطابق لونها

جمال العضياني 11-May-2009 01:01 PM
الله الله

صح لسان فواز وابو فلاح

ابداع&ابداع

واصلوااا


متااااابعين

فواز السعيدي 11-May-2009 01:04 PM
الله الله

حنّا نعرفك وانت واحد من شعاشيع العيال = ولولا الشقا ماوقّعت ليلى على مجنونها !!
يابو فلاح انته جمل طايح مع ادروب الجمال = بالله لا قلنا الحقايق ليش ماترضونها ؟ !!

فواز السعيدي 11-May-2009 01:06 PM
جمال العضياني


هلابك


لاهنت

علي فلاح العضياني 11-May-2009 01:35 PM
بالسيف ذبحك ما ينومسنا و بالخوصه حلال=مدّ ارقبتك انوطّي الخوصه على حنحونها
انته نشبت و لا تنجّيك الحيَل و الاحتيال=امّ الكباير فوق جبهتها كسرنا شونها

نوآف الغنامي 11-May-2009 01:42 PM
اقتباس:
المشاركة الأصلية كتبت بواسطة علي فلاح العضياني (المشاركة 852594)
بالسيف ذبحك ما ينومسنا و بالخوصه حلال=مدّ ارقبتك انوطّي الخوصه على حنحونها
انته نشبت و لا تنجّيك الحيَل و الاحتيال=امّ الكباير فوق جبهتها كسرنا شونها

الله الله الله


مبدع دائمااااا يا علي ..

صح الله لساااانك مدد بلا عدد

وانا في صفك ولا يهون فوووواز ..

..

علي فلاح العضياني 11-May-2009 01:56 PM
هلا والله بخيّال الصفراء

يالله حيّه


الصف يزهابك طال عمرك

فواز السعيدي 11-May-2009 01:56 PM
طيب طيب

ان كنت شاعر صح منته ماخذ الشعر انتحال = (وش بنت تسكن في قصر وانته تحوف ركونها ) ؟ !!
غريب والله ياعلي تلهث بعد جيت الضلال = مار النّشاما ماتبا تسقيك من ماعونها !!

فواز السعيدي 11-May-2009 01:58 PM
هلا يا خيال



ماتهون يابعدي

سعود العصيمي 11-May-2009 02:15 PM
فوااز السعيدي =

سـلام رديـة تزيّنهـا قوانـيـن الـرّجـال=حتى انت ياوجه الرضى تمشي على قانونها !!
قدّام لا نضرب علي نضرب على مثلـه مثـال=كم واحدٍ يرثع يبا الطمعـه وعـوّد دونهـا !!



علي العضياني =
يا مرحبا ترحيبـةٍ تكـرم كريميـن السبـال=حتّى انت تدخل يا وسيع الصدر في مضمونها
قدّام لا تضرب مثال أفقع عيونـك بالخـلال=و هذيـل دايـم بالخـلال إنطزّهـا فعيونهـا



فوااز السعيدي =

اكثر عباد الله تسمّّيك اجـودي وابـن حـلال=صحيح هذا العلم ؟ ولاّ الناس زاد جنونها ؟ !!
ياهـل المحانـي ماخبرنـا يمّكـم عـدٍّ زلال=ماغير ناسٍ نافخيـن ظهورهـا وبطونهـا !!

علي العضياني =
كنز ( المعزّه و الوفاء و الطيب ) عندي راس مال=أفرح به الصدقـان و العـدوان أزيـد غبونهـا
نعطيك ( كلمه ) روح فسّرها علـى كـلّ إحتمـال=أنت هذلي و هذيـل لونـك مـا يطابـق لونهـا



فوااز السعيدي =

حنّا نعرفك وانت واحد من شعاشيع العيـال=ولولا الشقا ماوقّعت ليلى على مجنونها !!
يابو فلاح انته جمل طايح مع ادروب الجمال=بالله لا قلنا الحقايق ليش ماترضونهـا ؟ !!


علي العضياني =
بالسيف ذبحك ما ينومسنا و بالخوصه حلال=مدّ ارقبتك انوطّي الخوصه على حنحونهـا
انته نشبت و لا تنجّيك الحيَـل و الاحتيـال=امّ الكباير فوق جبهتهـا كسرنـا شونهـا


فوااز السعيدي =

ان كنت شاعر صـح منتـه ماخـذ الشعـر انتحـال=(وش بنت تسكن في قصر وانته تحوف ركونها ) ؟ !!
غريـب والله ياعلـي تلهـث بعـد جيـت الضـلال=مـار النّشامـا ماتبـا تسقيـك مـن ماعونـهـا !!





بيض الله وجيهكم يامبدعين

محاورة قوية وراائعه،


علي فلاح العضياااني

اسمح لي اطلق عليك

لقب شاعر منتدى الهيلا.

فواز السعيدي 11-May-2009 02:25 PM
هلا هلااا ياسعوود



لاهنت ويستاهل ابو فلاح شاااااااااااعر الهيلااا

حاكم الغنامي 11-May-2009 02:33 PM
الله الله


فواز السعيدي × شاعر الهيلا


ماشاء الله تباركـ الله


ابدااااااااااااع


وصحت الالسن والقلووب

فواز السعيدي 11-May-2009 02:40 PM
ارحب يا حاكم


تسلم يابعدي

فايز بن سرحان الثبيتي 11-May-2009 04:12 PM
الله اكبر


فواز السعيدي


علي فلاح العضياني




اقطاب الابداع

لله دركم


صحت قلوووووووووووووووووبكم صحت قلوبكم

علي فلاح العضياني 11-May-2009 04:57 PM
هذي هي الكعبه فــ( بيت الله ) .... و أنا عندي سؤال=أهل الظنون تصيب يا فوّاز فيك ظنونها ؟؟
هذيك يالهذلان شغلتكم على طول الليال=الالسنه تلهث و تعبير الكلام يخونها

علي فلاح العضياني 11-May-2009 04:58 PM
ابو طايل

اسمك وسام على صدري و الهيلا شعارها واجد

لا هنت طال عمرك

علي فلاح العضياني 11-May-2009 04:59 PM
حاكم


هلا و الله يابو عيد يالله حيّه

علي فلاح العضياني 11-May-2009 05:00 PM
ابن سرحان


حياك الله يالغالي

فواز السعيدي 11-May-2009 06:20 PM
ههههههه

الله الله

ممتاز شاطر ياعلي تعال اخذ منّي ريال = لكن غزوات ابرهه والفيل لاتنسونها !!
هذاك وجهك فالمراية بالعمامه والعقال = توحون ياعتبان ولاّ اعيد ثم توحونها ؟ !!

فواز السعيدي 11-May-2009 06:22 PM
ابو سرحاااااااااااااااااااان


لاهنت يابعدي


مرورك شرف يالقرم

علي فلاح العضياني 12-May-2009 01:19 AM
فوّاز فالمجلس يعدّونه فناجيل الدلال=و اليوم يضحك بالرجال اللي عظيمٍ كونها
رفع مقامي ربّي اللي عزّني في كل حال=عنك انت و امثالك و عن حاجات شونك شونها

سلطان بن دحيم 12-May-2009 01:33 AM
صحة السنتكم

مبدعين اثنينكم



ومثل ما قال سعود انت ياعلى
تستحق لقب شاعر منتدى الهيلا


تحياتي

علي فلاح العضياني 12-May-2009 01:35 AM
الله يسلمك


يا سلطان و لي الفخر لو اني ما استاهله

علي فلاح العضياني 12-May-2009 01:36 AM
فوّاز صح لسانك


تشرفت باللعب معك بيض الله وجهك و ما قصّرت



تحيّاتي

زبون المغاتير 12-May-2009 01:37 AM



الله الله





شعار مافيكم حيله




علي فلاح صح لسانك




ابو عايش (سفير هذيل) صح لسانك



محاوره جميله




نقض وفتل على أوصوله




بيض الله وجيهكم

علي فلاح العضياني 16-May-2009 04:15 PM
صح بدنك يا زبزن المغاتير


الساعة الآن »07:20 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd