اليا جلسنـا فالمجالـس سلاطيـن=واليا انتهظنا سيف ثابـت نصابـه
لطامة العيايـل سعـوط المجانيـن=ذباحـة الحايـل صـدور الرحابـه
حماية الميقـاف فالعسـر والليـن=والموت والشر القوي مـا نهابـه
في ظل الاد سعـود حمايـة الديـن=خدام بيـت الله ونهـج الصحابـه
في ظلهم سرنا وعشنـا عزيزيـن=وتحت امرهم في سلم والا حرابـه
واليـوم جمعنـا نهـار المزاييـن=نلبس بسـم روح القبيلـه ثيابـه
امن الحجاز ونجد ياشوفـة العيـن=هذيـه الهيـلا عيـون الذيـابـه
تاريخنا بالعز يكتـب مـن اسنيـن=ما ضيـع التاريـخ فعـل وذرابـه
دايم على رقي المعالـي حرصيـن=والنـار حيـه والاسامـي تشابـه
هذاكي ابن حميد ذخر الشججيعيـن=وهذا بن اربعيـان فخـر وصلابـه
ولا فيه فرق(ن) ينذكر بين الاخوين=الاسـم واحـد فعـل والا كتـابـه
هذا وانـا شاعـر قبيلـه مسميـن=الاد ثابـت راس قيـف ومهـابـه
منا بن هليـل ومنـا بـن دخيـن=مبانـي الهيـلا نهـار الحـزابـه
لا كبرت الدعوه ما بين الخصيمـن=شيوخ فـرض وعلمهـم يقتدابـه
ومنا ابن سالم يوم ثقل الموازيـن=صفه على الحـدان نـوخ ركابـه
ومنا ابن غازي بيت عرف وعريفين=ومنا الصليب ومن هل السيل لابـه
ومنا الحميانـي عـذاب المعاديـن=ومنا الشرابـي فاللقـاء يعتزابـه
ومنا هل المعـدن ومنـا الوقاديـن=ومنا بني ذبيـان فـي كـل جابـه
ومنا بن ملحـان زبـن المخليـن=وحزامه اللصـه شبـاب وشيابـه
منهم بني منجـوم قضأيـة الديـن=احزام جنبك فـي نهـار المجابـه
ومنا اهل عباسـه ومنـا الثعابيـن=ومنا الرقيب وكـل علـم بجوابـه
واهل الرحا واهل لغب والضباعيـن=واهل جـداره واهـل وادي غرابـه
ومنا قبائل نجـد روس الرباعيـن=وكلاً من الميقـاف يحمـى جنابـه
اهل وفاء ومـع القبائـل كريميـن=مثل الخيال اللـي تـرادف سحابـه
وفي ساعة الشدات ما احنا ذليليـن=تاريخنـا بالعـز كــلاً درابــه
احزامنـا اللـي كنهـن الثعابيـن=من وارد البلجيك ما اشنع صوابـه
ومشوكٍ يطحن رجـوم الشياطيـن=ويسلم به الكافر ويقـراء خطابـه
لا قرت الحبه مـا بيـن النياشيـن=ما يرمش الرماي خـوف وهيابـه
ولانتبع المقفي ولا نرخـي أيديـن=لهل الجمايـل والعطـا والطلابـه
شيماتنا اسما من جميـع القوانيـن=ان ما وصلنا الماء ما نتبع سرابـه
وابيوتنـا للجـود رمـز وبراهيـن=فقيرنـا فعـل يميـنـه غـدابـه
انسـد بالشلفـا نحـور البعاريـن=ذباحة اللي تـو مـا شـق نابـه
والابل حنـا الهـا ترانـا مواميـن=ما يوم راحت مـن يدينـا نهابـه
امـا بقيمتهـا غلبنـا الغنيـيـن=والا بحـد السيـف جتنـا كسابـه
وثبيت تاسمهـا بواحـد وتسعيـن=ما هو عدد معنى ولا بـه غرابـه
للبن والمحماس كيـف الاصيليـن=شرابـة القهـوه عـوارف شبابـه
والابل ما توصف غلاها الدواوييـن=في حكم شعـار النظـم والربابـه
الله ذكرهـا فـي كتابـه عنوايـن=للممعتبر واللـي يراجـع حسابـه
سفيـة الصحـراء حـلال النقييـن=قطاعـة البيـداء جبـال وشعابـه
حليبهـا فيـه الشفـاء لسقيميـن=وكم شايب(ن) منها يعيش بشبا به
ريف الفقراء والغنـي والليتيميـن=من عرفها ما عرف معنـا الكئابـه
غزا بها ابن اسعود والناس ممسين=ليلة نوى المصمك وحصنه وبابـه
والله كتب نصره ونصـر التقييـن=وتوحـدت دولـه وسرنـا قرابـه
والله يجمع شملنـا قولـوا اميـن=ابسنـة محمـد ومحكـم كتـابـه

المشاركة الأصلية كتبت بواسطة أبونواف (المشاركة 851493) صح لسان الشاعر سعيد الشهيب قصيده جزله من شاعر جزل وبيض الله وجهك هايل على نقلك الرائع ..

المشاركة الأصلية كتبت بواسطة الجوراسي (المشاركة 851957) صح لسان الشاعر سعيد الشهيب قصيده جزله من شاعر جزل وبيض الله وجهك هايل على نقلك الرائع ..

المشاركة الأصلية كتبت بواسطة صقر جعيد (المشاركة 851961) صح لسان الشاعر سعيد الشهيب وبيض الله وجهك هايل على نقلك الرائع

المشاركة الأصلية كتبت بواسطة أبوضاري (المشاركة 852345) صح لسان الشهيب و الشكر لك ياهائل

المشاركة الأصلية كتبت بواسطة الشفاوي (المشاركة 852352) صح السانك,,,,,,