تعال ياعقاب اباعلمك بعض العلوم = ماكل ديرة تبا تشتال سكانها
عزاللة انك ولد وتسد كل اللزوم=لكنك روحك تبا واسكت علي شانها

لن جيت تعرف مقامي ياقوي العزوم = مير انتبه للذياب ان حدت اسنانها
ماني بحاجة وصيه منك جعلك تدوم = (لوكان كلمتك ذي مختل ميزانها )

ان جيت يمي تبا تسري بليا هدوم=المهلكة عانها والمنجية عانها
لوكنت تملك عقل ماجيت يم البقوم=ولا فتحت المزاد ابوسط دكانها

المشاركة الأصلية كتبت بواسطة سلطان بن دحيم (المشاركة 849465) الله الله انا قايل انك تبى تستنزل وتغني صحة السنتكم

ان جيت يمي تبا تسري بليا هدوم =المنجية عانها والمهلكة عانها
لوكان عندك عقل ماجيت يم البقوم=ولا فتحت المزاد ابوسط دكانها

المشاركة الأصلية كتبت بواسطة ابو لمار (المشاركة 849477) الله الله صااهوود صح لسانك مبدع ولاغرابه الليل الليل والصف صفك ولاهان عقاب وصح لسانه متااابع

المشاركة الأصلية كتبت بواسطة ابو لمار (المشاركة 849479) سلمت سلمت ياصااهوود الابداع انت راعيه انا اشهد انك راعي ماقف لاهنت يالغالي

يارب تستر علي وانت الكريم الرحوم = رعيان بعض العرب تطمع بشيخانها
عقلي معي وانت رجل ٍ ماتعرف السلوم = امطير تفتن على الاخوان بااخوانها ؟

هاذي مضارب عتيبة مبعدين الخصوم=وانا بناخي لهم واهين عدوانها
اللة خلقني وميزيني بفرك الخشوم=وامطير ماتنطح من دور جدانها

ياليت تحمى مضارب لابتك كل يوم = وعتيبه إلها رجال ٍ تحمي اوطانها
انشد ابانات وسواج وهذيك الرسوم = هجيجكم اسبروه القوم بااعيانها

ابلادنا ماعليها خوف وقت الهجوم =وان كان تملك حجج عليك برهانها
هاذي لنا والمربع واقعدي يالرخوم=فالديرة اللي مراجلها بدخانها

ابلادكم جو لها من كل لابه وقوم = الارض ماعاد تاسعكم بميدانها
قسم عنزه يالمطيري من خيار القسوم = ( برجس ) لحاله يرد مطير وفرسانها

هاذي بلدكم واخذناها بفرك الخشوم= ومن قو ضرباتنا كرهت ضلعانها
مية وخمسين ليلة والمهند يسوم=وغنيم رد عنزة واسرف بسلطانها

سولف مدام انكم اتزورون الختوم = والفعل يبقى لنا بالسيف وحصانها
عزالله اني على بعض السوالف كتوم = اخوانكم ماتريد الجرح للاخوانها !!