عسا الله يعينك يالشطيطي بعد دق الجرس =ضريه بعيده وانت مافيك حيلٍ للعدي
ولايحمي الديره مع الجيش ياكود الحرس =ليا هلت المزنه على القوم سيلٍ وبردي

ضريتوا تذبون الخرايم على بحر ويبس = لاكن ساقك الله في يديني ولا كيف تغدي
تحاول تحصّن مار خصمك مطاريٍ شرس = على حسب مجرى الوقت يذبح من عتيبه فدي

ضرينا نسوقك بالمهند على ظهر الفرس =من سنين والعتبان فوقك كما نجم الجدي
ندرس فنون الحرب لمطير ونطبق درس =عليها ليا شفنا ملاقيفها جات تحدي

ليا صار فالديره مطاري تبا تخرس خرس = ترا الله مصلطنا علاكم يابو حظٍ ردي
ترا ما انت راعي حرب يامن على الساقي غرس = هل الخيل نعرفهم ولا انته معاهم يابعدي

مالومك تقوله وانت متروس بالحره ترس =وخدك عليه الوسم ..مطرق ..وردعه ..وعضدي
تبا تجحد اللي حآشرك بين نيبان وضرس=وانا ماسريت ومشعل النار حزت موعدي