صار لك يابو لمار بمنتدى العتبان مدّه=و أعتبرك الله يبارك فيك واحد من عتيبه
غير وقت الماقف الغصّاب كلٍ دون حدّه=الله أكبر هات ما عندك و جيب اللي تجيبه

ابشر ابشر يالعتيبي هات علمك لي وبدّه = مالحقني فيك ياراعي الوفا شكه وريبه
اخذ علمي من لساني يالعضياني وودّه = وان حمينا الاوله والتاليه ماهي غريبه

المشاركة الأصلية كتبت بواسطة ابو لمار (المشاركة 848490) ابشر ابشر يالعتيبي هات علمك لي وبدّه = مالحقني فيك ياراعي الوفا شكه وريبه اخذ علمي من لساني يالعضياني وودّه = وان حمينا الاوله والتاليه ماهي غريبه

بعد ما حصّلت لك فلّه على كرنيش جدّه=خلّ نظراتك بعيده لا تخلّيها قريبه
الرجل ما يخفي اسمه و اسم ابوه مع اسم جدّه=غير رجالٍ يبا يرضى على نفسه غليبه

الكلام اللي تقوله ماعرفنا ويش سدّه = بعض الاحيان اتعجب من سوالفك العجيبه
مشكلتك انك ماتعرف غير اخوك اللي تودّه = وانت لو تجهل حقوق الناس ياكبر المصيبه

جاك بيتٍ فيه معنى ... ما وصلني منك ردّه=واضحه ما كل من يرم الهدف يقدر يصيبه
الحقيقه واحدٍ ما نعرف اسمه ما نعدّه=يوم كلٍ يشهر اسمه و أصله اللي يعتزيبه

المشاركة الأصلية كتبت بواسطة ابو لمار (المشاركة 848547) الكلام اللي تقوله ماعرفنا ويش سدّه = بعض الاحيان اتعجب من سوالفك العجيبه مشكلتك انك ماتعرف غير اخوك اللي تودّه = وانت لو تجهل حقوق الناس ياكبر المصيبه

كل معنى من رموزه ينكشف هزله وجدّه = ليلك اظلم من سواده سرمدي ماينسريبه
كم بعير" في الليالي الماضيه موسوم خدّه = يوم كل" في هذاك الوقت مايجهل صحيبه

المشاركة الأصلية كتبت بواسطة ابو لمار (المشاركة 848628) كل معنى من رموزه ينكشف هزله وجدّه = ليلك اظلم من سواده سرمدي ماينسريبه كم بعير" في الليالي الماضيه موسوم خدّه = يوم كل" في هذاك الوقت مايجهل صحيبه

ليت أبوك اللي ما اعرف اسمه توسّد له مخدّه=ويش ضوّى بعد ما سافر على ظهر النجيبه
الهروج الفاضيه لبّ إنتباهي ما تشدّه=ما نعرف الرجل حتّى نعرف أفعاله و طيبه

ماعليكم زود وانتم في جهاد وفي مكدّه = كمّ واحد من طرفكم لو سرح يضوي بخيبه
نقرن الاقوال بافعال الرجال المستبدّه = جدنا الحجاج والحجاج له سلطه وهيبه

ماعليك زود يالنجم الاصيل

شاكر لك حسن المتابعه

هههههههههههه

والله مادري وش تقول يالنجم

حيااااك الله