سلام الله سلام الشاعر اللي هيبته تكفيه =تسده في غيابه وان حضر تحضر مع حضوره
نبا نبني بيوت الشعر والمعنى نبا نخفيه =والا يازينها لاجات والاوظاع مستوره

هلا يامرحبا من شاعرٍ بيت الشرف بانيه = ولن جاء في مجال الشعر يسبح غبة بحوره.
تهرج يالعتيبي لين علمك بالسمع نوحيه = ولايازين علمك لاطلع بالصوت والصوره.

يدوم الك البقا والوضع فيه من العلوم وفيه =(بروق الخير تبرق فالسماء) والارض ممطوره
ترى عد الروى مورود لوهي غثربت صافيه =دغاليبٍ تجي وتروح منهيه وماموره

علوم الطيبين تبين والمخطي نبي نجزيه = على ماقدمت يمناه من زاده وميسوره.
صديع الراس ماله غير ميسم حاميآ يكويه = على شأنه يعرف الدرب والا يفقد شعوره

ابو طايل عسى ربي يعينه دوم ويعافيه =لونه يظبط السيسان مامالتبه قصوره
صديع الراس عنديله دوىً باذن الله بيشفيه =وحمى الضّنك في مكه نحاصرها ..ومدحوره

ابو طايل يجيب العلم لاهل العلم ويوديه = ولامنه لقاله داب طقه فوق دنقوره.
تلد العين يمه مار لازعلته ولا مرضيه = وحمى الضنك داء مزمنه وسعود دكتوره.

ليا وكدت علمك ياولد عاصم نبا ننفيه =انا اقول انت منت مراسلٍ في مجلس الشوره!!
ابااعطيه الرساله والخبر ياصاحبي نوفيه =ولاياشيب عين اللي قرى المظروف وسطوره

انا رجال حر وعرف مثلك فالزمن شاريه = ولو تنفي كلامي مثبته شرعه ودستوره.
بعارينٍ تشيل الحمل ساعة وقت وتوطيه = ترا راع المقاني ماقناها وسط مظهوره.

الا يادبرة الله فالعمى اللي نوره مطفيه =يدربيها على ماشيّ لين الله خسف نوره
ترى حاكم قدم رجله على درب الشرف محفيه =ولاهي معجزه لو يشعب الحره بباكوره

بعد قلدتك بسيفٍ مذهب ماحدٍٍ يصخيه = تجاز الطيب بالفعل الردي ياراعي البوره
رسنها في يديني قاضبه وفلان مايمديه = صقور الجو معروفه ولاتحسب من صقوره

حاكم الغنامي=

سلام الله سلام الشاعر اللـي هيبتـه تكفيـه=تسده في غيابه وان حضر تحضر مع حضوره
نبا نبني بيوت الشعر والمعنـى نبـا نخفيـه=والا يازينهـا لاجـات والاوظـاع مستـوره

سعود العصيمي=

هلا يامرحبا من شاعرٍ بيت الشرف بانيـه=ولن جاء في مجال الشعر يسبح غبة بحوره.
تهرج يالعتيبي لين علمك بالسمـع نوحيـه=ولايازين علمك لاطلع بالصوت والصـوره.

حاكم الغنامي=

يدوم الك البقا والوضع فيه من العلـوم وفيـه=(بروق الخير تبرق فالسماء) والارض ممطوره
ترى عد الروى مورود لوهي غثربت صافيـه=دغاليـبٍ تجـي وتـروح منهيـه ومامـوره

سعود العصيمي=

علوم الطيبين تبين والمخطي نبي نجزيه=على ماقدمت يمناه من زاده وميسـوره.
صديع الراس ماله غير ميسم حاميآ يكويه=على شأنه يعرف الدرب والا يفقد شعوره

حاكم الغنامي=

ابو طايل عسى ربي يعينـه دوم ويعافيـه=لونه يظبط السيسـان مامالتبـه قصـوره
صديع الراس عنديله دوىً باذن الله بيشفيه=وحمى الضّنك في مكه نحاصرها ..ومدحوره

سعود العصيمي=

ابو طايل يجيب العلم لاهل العلم ويوديـه=ولامنه لقاله داب طقـه فـوق دنقـوره.
تلد العين يمه مار لازعلته ولا مرضيـه=وحمى الضنك داء مزمنه وسعود دكتوره.

حاكم الغنامي=

ليا وكدت علمك ياولـد عاصـم نبـا ننفيـه=انا اقول انت منت مراسلٍ في مجلس الشوره!!
ابااعطيه الرساله والخبـر ياصاحبـي نوفيـه=ولاياشيب عين اللي قرى المظروف وسطوره

سعود العصيمي=

انا رجال حر وعرف مثلك فالزمن شاريه=ولو تنفي كلامي مثبته شرعه ودستوره.
بعارينٍ تشيل الحمل ساعة وقت وتوطيه=ترا راع المقاني ماقناها وسط مظهوره.

حاكم الغنامي=

الا يادبرة الله فالعمى اللـي نـوره مطفيـه=يدربيها على ماشيّ لين الله خسـف نـوره
ترى حاكم قدم رجله على درب الشرف محفيه=ولاهي معجزه لو يشعـب الحـره بباكـوره

سعود العصيمي=

بعد قلدتك بسيفٍ مذهب ماحدٍٍ يصخيه = تجاز الطيب بالفعل الردي ياراعي البوره
رسنها في يديني قاضبه وفلان مايمديه = صقور الجو معروفه ولا تحسب من صقوره