هلا مرحبا والي على البال مدروس = على البال ماهو فوق راس اللساني
نبا نشبك الاوراق في راس دبوس = ونقرا على الشعار نص البياني

يدوم البقا واللي على البال مدسوس= ولا يطلع الا بعد فرك الاذاني
حنتك الليالي ياولد حنية القوس=توقع بعدها جايكم علم ثاني

جهازك تعافه لا دخل فيه فيروس = ولخبط نظام الذاكره في ثواني
بعد ماتسلط فوقنا الفرس والروس = تبا تالع الفتنه مابين الخواني

جهازي مؤمن بالحمايه يامتعوس=ولاهو معرض للبلا والهواني
بعد جبت راسك عند حلاقة الروس=يبا يحلقونك غصب لوماتداني

ليا شفت لي رجل ٍ مع الناس ملبوس = نبا نربطه لو زاد فيه الجناني
انا راسي المرفوع ماناشه الموس = تعال وتوسق راس عمك فلاني

علوم الدنافس جابها كل دنفوس=وانا عن رخيص الهرج ربي حماني
من هروجك العوجا اكيد انت مبسوس=لكن الدوىشوطين بالخيزراني

علامك مشيت الدرب بالعكس معكوس = وانا الي عطيك من نظاف المعاني
يامقشرك يالشكٌاك ابو عقل ملحوس = اثرنا نبشنا جرح ذاك الزماني

بعد ماخلطت الذود بنعاج وتيوس=عليك العدد ياهيه يامودماني
تمد الشراب وطايح فيه خنفوس=وتبغاني اضحك ياطويل اللساني

عطيتك حصان الشيخ وتقول جاموس = وهرجك على بعض العلوم يحداني
ليا صرت ماتملك دنانير وفلوس = تحرا زكاة الفطر عقب رمضاني