يامرحبا ترحيب وعز ترحيب=بالشاعر الي مايغر المعاني
ياالاصعر الدنيا تراها تجاريب=والجدي يفرق عن سهيل اليماني

دام البقا في منتدى العز والطيب=في منتدى الهيلا طوال اليماني
عليك للهيلا حقوق ومواجيب=ليا قطعت الوصل جاء علم ثاني

ياصاحبي فيك العجب والتعاجيب=تضحك بسنك وعرفك ماتباني
ياذيب يالي تعرف العلم ياذيب=في لازمي والي بغاني لقاني

يالصاحب اللي من خيار الاصاحيب=اشوف فيك اخلاف من هالزماني
يارجل تبدي فالسنه يوم وتغيب=تزعل وشكلك ياولد ماتداني

يالاجودي ندهلك الجرح ويطيب=واجيك في مكه ويم المحاني
ازعل من الي يخلفون الهناديب= ولي انت اعدك واحدن من خواني

داو الجروح اللي بصدرك معاطيب=قدام عشرك لا تعود ثماني
مانته بلا فاجر ولا انته تراحيب=عشان ترضا يافلان الفلاني

ياربعنا اللي تفتلون الاشانيب=اطلق شنب ماهوب واقف وزاني
تبا الحقيقه حولك الشك والريب =والله يعلم ويش فالمودماني

اعرفك يانايف حصان الاطاليب=لكن قدامي ما تاخذ ثواني
في علتك والله تضيع الاطابيب=اللي لجت بين الضلوع الحواني

انا ادري انك طير وبلا مخاليب=طاح الربيع وفان وقت السماني
اصبر علي دنياك هاذي مكاتيب=والصبر طيب والله المستعاني

ترمي من الليله ولا رايح اتصيب=وانا مكاني ماختلف عن مكاني
ياربعنا اللي من كبار المناصيب=ابعية العضيان حضي رماني

ياصاحبي ماعنك ذالليل تجنيب=انته علي بعض الامور اتحداني
في ذمتي لودب اصعير تاديب=وش رايكم بالي بنفسه بلاني

انته ماتونس ضرب خضر المشاعيب=اللي توقع تحت قوع الاذاني
حطيتها بين النحر والتلابيب=وسريت تضلع يالبعير العماني