هذا المعروف عن ربعي عتيبه = ليا ناش الزند خشم الفتيله

أكرام الضيف والجيران منها = ومنها وقفة دون الدخيله

الاياناشد(ن) عني سؤالك = افكر فيه مدري وش دليله
تركته يوم وجهته لغيري = وبرق(ن) صد عنا ما نخيله
يقولون الرجال اهل المعرفه = الى شفت المخالف دع سبيله
ويوم انك طلبت العلم مني = يجيك العلم وضلوعك تشيله
لو انك من عرب ذيك الجزيره = عرفت ان كان في عقلك عقيله
تعلمك الليالي من حنا = بفعلن يذخره جيلن لجيله
وعلى بعد ترى عندك شهاده = شهاده حق جت به والوسيله
تقول انك سمعت عن الزلامي = واجل يا صاحبي ويش تحكيله
اضنك فالج نفسك بنفسك = وفالج حجته وش يدعي له
لاكني صرت ملزم با الاجابه = ولا ودي تجي نفسي بخيله
فأنا يابن الحموله من حموله = وانا من قوم وانا من قبيله
قبيله تعترف فيها القبايل = عتيبه مرويت حد الصقيله
لهم عادات وسلوم(ن) صعيبه = على الي ما يقوم ابها ثقيله
حقوق الضيف والجيران منها = ومنها فزعة(ن) دون الدخيله
ومنها من شكى الظيم وزبنا = نشيل الحمل عنه ونرتكي له
ومنها من تحدانا نحده = بنمراً تخلف العقل وتزيله
وشجعانن ترد حوض المنايا = نخل الضد ما يبرد غليله
هذا المعروف عن ربعي عتيبه = الى ناش الزند خشم الفتيله
((بدون قصور في باق القبايل = على ما قيل كلن له حصيله))
((وفي كل دار حقه من رجاله = تكيل الصاع والثاني يكيله))
كفا التعبير والي جاك كافي = وغريب الدار لا تظهر حفيله
تباتفصيل عن قصة حياتي = اخذ مني تفاصيل(ن) قليله
ولو ما قلتها عن كبر سني = لاكن التجربه صارت طويله
قظيت العشر من عمري صغير = افكر فالامور المستحيله
وعرفت العلم بين امي وابوي = وانا ماغبت عنهم خطو ليله
وبتالي قسم ربي واراد = ومشينا السير وسيره طويله
وساقتنا الخطى في كل دار = عرفنا اهله وعدلاته وميله
وجابتنا مقادير الزمان = وحيل الله يغلب كل حيله
وصلت بلادكم ماهوب ودي = ومقسوم الفتى لازم يجيله
فأنا ماني مواطن في بلدكم = انا طرقي ومطوين صميله
بلدكم ما ينسينا بلدنا = بلدنا نجد ما نلقى مثيله
بلاد تحت حكم اخوان نوره = بدت با العز ما عاشت ذليله
تعيش ايامها عدل وعداله = وتعيش ايامها خير وفضيله
بلد فيصل ومن يخلص لفيصل = حشى لله ما نبغي بديله
سعوديين ما ننكر وطنا = وغال الروح يرخص في سبيله
يشرفني اذا قلتو سعودي = وهاذا الاسم فوق الراس اشيله
هذا رمز المروه والشهامه = ولي زود الشرف يوم انتمي له
بلدكم ما ينسينا بلدنا = بلدنا نجد ما نلقى مثيله..

محمد العتيبي
ههههه
لاشكر على واجب وكله من فضل مشرفنا الغالي فيصل الله لايهينه ولايهينك ..

صح لسان أبو جميل

موضوع مشترك ماشاء الله كل مشروك مبروك

لاهنتوا جميعا ًولكم الشكر الاوفر ..

القصيده هذه في غاية الجمال لم أمل من قراتها أبدا

أطال عمر أبو جميل وأمد الله بالصحه ..

الاياناشـد(ن) عنـي سؤالـك
افكر فيه مـدري وش دليلـه
تركته يـوم وجهتـه لغيـري
وبرق(ن) صد عنا ما نخيلـه
يقولون الرجال اهل المعرفـه
الى شفت المخالف دع سبيلـه
ويوم انك طلبت العلـم منـي
يجيك العلم وضلوعك تشيلـه
لو انك من عرب ذيك الجزيره
عرفت ان كان في عقلك عقيله
تعلمـك الليالـي مـن حنـا
بفعلن يذخـره جيلـن لجيلـه
وعلى بعد ترى عندك شهـاده
شهاده حق جت به والوسيلـه
تقول انك سمعت عن الزلامي
واجل يا صاحبي ويش تحكيله
اضنك فالـج نفسـك بنفسـك
وفالج حجته وش يدعـي لـه
لاكني صرت ملزم با الاجابـه
ولا ودي تجي نفسـي بخيلـه
فأنا يابن الحموله من حمولـه
وانا من قوم وانا مـن قبيلـه
قبيله تعتـرف فيهـا القبايـل
عتيبه مرويت حـد الصقيلـه
لهم عادات وسلوم(ن) صعيبه
على الي ما يقوم ابها ثقيلـه
حقوق الضيف والجيران منهـا
ومنها فزعة(ن) دون الدخيلـه
ومنها من شكى الظيم وزبنـا
نشيل الحمل عنه ونرتكي لـه
ومنهـا مـن تحدانـا نحـده
بنمراً تخلـف العقـل وتزيلـه
وشجعانن ترد حوض المنايـا
نخل الضد مـا يبـرد غليلـه
هذا المعروف عن ربعي عتيبه
الى ناش الزند خشـم الفتيلـه
((بدون قصور في باق القبايل
على ما قيل كلن له حصيله))
((وفي كل دار حقه من رجاله
تكيل الصاع والثاني يكيلـه))
كفا التعبير والي جـاك كافـي
وغريب الدار لا تظهر حفيلـه
تباتفصيل عن قصـة حياتـي
اخذ مني تفاصيـل(ن) قليلـه
ولو ما قلتها عن كبـر سنـي
لاكن التجربه صارت طويلـه
قظيت العشر من عمري صغير
افكـر فالامـور المستحيلـه
وعرفت العلم بين امي وابوي
وانا ماغبت عنهم خطو ليلـه
وبتالـي قسـم ربــي واراد
ومشينا السير وسيره طويلـه
وساقتنا الخطى فـي كـل دار
عرفنا اهله وعدلاتـه وميلـه
وجابتنـا مقاديـر الـزمـان
وحيل الله يغلـب كـل حيلـه
وصلت بلادكـم ماهـوب ودي
ومقسوم الفتـى لازم يجيلـه
فأنا ماني مواطن فـي بلدكـم
انا طرقي ومطويـن صميلـه
بلدكـم مـا ينسينـا بلـدنـا
بلدنا نجـد مـا نلقـى مثيلـه
بلاد تحت حكم اخـوان نـوره
بدت با العز ما عاشت ذليلـه
تعيش ايامها عـدل وعدالـه
وتعيش ايامها خيـر وفضيلـه
بلد فيصل ومن يخلص لفيصل
حشـى لله مـا نبغـي بديلـه
سعودييـن مـا ننكـر وطنـا
وغال الروح يرخص في سبيله
يشرفنـي اذا قلتـو سعـودي
وهاذا الاسم فوق الراس اشيله
هذا رمز المـروه والشهامـه
ولي زود الشرف يوم انتمي له
بلدكـم مـا ينسينـا بلـدنـا
بلدنا نجد مـا نلقـى مثيلـه..


الله يطول عمر خالي .... ولاهنت يابونواف ولاهنت يافيصل