ياسلام الله سلام الشاعر اللي تعرفونه=طول عمره مايغيب عن اللوازم ياعتابه
معجب الليله حضر يا الربع مادوني ودونه=لين القيه الخلا مجنون ويقطع ثيابه

مرحبا ترحيبةٍ تبعد عن المخطي ضنونه=من هجوس الشاعر اللي هاجسه ماقد ماغدابه
لاحضر معجب عن الاصعر تبا تقفي جنونه=دام معجب من كتاب الله معه علم وقرابه

مانجيب الا الحقيقه والخطا ماتثبتونه=وان تردى معجب الليله نصفي له حسابه
انته اللي فيك يارجال شك وفيك بونه=انت ماتقراء كتاب الله محشوم(ن)كتابه

ول ياعبدالله الاصعر محومرتن عيونه=ماعرفنا مقصد الرجال من نبرة عتابه
ياجماعه ترجمولي كان هرجه تفهمونه=مادرينا جاي بالمعروف والا بالطلابه

يالعتيبي والله انا مارضينا بالمهونه=السوال اللي طرحته تستلم مني جوابه
قولنا مفهوم ما يحتاج ناس ايترجمونه=وكان جيتك جيت بالمعروف مافيها غرابه

مازرعتوا ياعميلي بأذن ربي تحصدونه=مانقص من قدركم يافلان لو قدر الذبابه
عيبكم حق القريب ليا قدرتوا تاكلونه=ماعرفتوا حق للاجناب والناس القرابه

ما زرعنا الا الوفاء لكنكم لا تجحدونه=قدرنا ما نرخصه وجعل على هرجك رقابه
قرطو في حقكم بفميكم لا تفلتونه=كان مانت بذيب يامعجب تعشتك الذيابه

والله ان اهل الوفا لاهل الوفا ستر ومعونه=بس خل دروب شيطانك واخذ درب الصحابه
لاتلتون الكلام وترجعون وتعلجونه=خصمنا ياصاحبي لو طال وقته مانهابه

رح بشونك واترك اصحاب الوفا كل(ن)بشونه=انته الشيطان يامعجب معك يشعب ركابه
المطب ليا اعترض وانتم عجالا تشقحونه=خمنا يسهر ونومه طول ليله ما هتنابه

نحسب انه خلص ديونه وزوّد في ديونه=الله يعينه على درب الخطا يومه مشابه
تنطقون الحرف ثم تعودون وتنطقونه =ماعرفنا هي بلامه ياعرب والا ذرابه