تولّم يبن سرحان ماشين للسّوق =انا محتسيك لكل طرقة مديّه !!
ونرجع بناقه ماكماها مع النّوق = مدام المزاين صار له فاعليّه !!

الله الله يابو عايش

مبدع مبدع والصف صفك مايبيلها

بس لاتنسونا من الحليب
ههههههه


في انتظار ابن سرحان المبدع

وصح لسانه مقدما

المعذرة على التأخير والاتصال ماهو مسعفني

ترى شجرة الرّيحان تبدا بزملوق = وتكبر ويصبح جنب الاوراق فيّه !!
اشوف النّشاما للغلا هزّها الشّوق = نبا ناخذ المقسوم والنّار حيّه !!

يموت البخيل وماله افجوف صندوق = ولو راح ربعه ماتحروا مجيه
وانا اقول في بحر الهوى مانت معشوق = وابو زيد معطي قلبه العامريه

لو انّك قليّل ذوق ماقلت لك ذوق = تركناك ياذوب العسل فالخليّه !!
تخيّل لو انّ الصقر بكراع غرنوق = تبا تفرح الصيده فالارض الخليّه !!

عباة الهذيلي كمها لاه مشقوق = وهو شيخ ربعه ..مار ماله حضيه
ليا صار ماله عند جيرانه حقوق = صرفنا نظر عن دعوته فالقضيه

انا لو عطيت ام الخلي بيض مسلوق = نشف ريقها ثم اشربي ياضميّه !!
ياخوك القضيّه ماهي ملازم حلوق = احد يحكم القاله واحد في نحيّه !!

سمعت الكلام اللي تسميه طارووووق = ولكن عيني ترقب المسرحيه
على شان قلبك من هوى البيض محروق = تبا تحرم العشاق شربه هنيه

ترى اللي نعرفه ( كل مطرود ملحوق) = قبل لاتبطّ السكّه الجانبيّه !!
وبعض العرب لو حقق انجاز مسروق = يجوز السبب تاثير بالعنصريّه !!

ليا كان ماجاء فاللغه حسن منطوق = عسى ما تضيع احروفها الابجدية
بعد طحت في برقا بعد طحت في روق = تبا تترك النيشان والبندقيه