سلام الله سلامٍ سرعته تسبق خفوق الطير=يمر الساحل الشرقي وياصل طيب الذمه
يابو تركي ياناصر من ثلاث شهور وضعك غير=عن اصحابك تغيّب ياعسى الله يكشف الغمه

هلا يامرجبا ترحيبة ماخانها التعبير=مباديها على القمه وراعيها على القمه
فقدني صاحبي وانا احمد المولى معيّن خير=ثلاث شهور وانا ياطويل العمر فمهمه

يدوم الك البقا والسر قالوا عنه وسط البير=ومن يخطي يطيح من الجبل في قاعة الجمه
والا يابن الحلال ابعد عن العتبير والتبرير=ترا بعض الدروب تودي الرجال فمطمه

معجب العتيبي =

سلام الله سلامٍ سرعته تسبق خفـوق الطيـر=يمر الساحل الشرقـي وياصـل طيـب الذمـه
يابو تركي ياناصر من ثلاث شهور وضعك غير=عن اصحابك تغيّب ياعسى الله يكشـف الغمـه

ناصر المرشدي =

هلا يامرجبا ترحيبـة ماخانهـا التعبيـر=مباديها على القمه وراعيها على القمـه
فقدني صاحبي وانا احمد المولى معيّن خير=ثلاث شهور وانا ياطويل العمـر فمهمـه

معجب العتيبي =

يدوم الك البقا والسر قالوا عنه وسط البير=ومن يخطي يطيح من الجبل في قاعة الجمه
والا يابن الحلال ابعد عن العتبير والتبرير=ترا بعض الدروب تودي الرجـال فمطمـه

ترى مافيه حلم الا وله بين العرب تفسير=احد يخطيه بالمره واحد يخطيه ويخمه
انا اسوق البعير اللي مامثله فالوجود بعير=(بعد ماشق نابه راح يشرب من حليب امه)

دخلتوا في مجال الكشف والاشعاع والتنظير=ومن يدخل مجال الطب لايامن من الحمه
ياناصر راجع التاريخ وانشد عن علوم الزير=علوم الزير فيها فايده تعنيك ومهمه

ترى الجراح مايجرِالعمليه بلاتخدير=على شان يتفنن في مجال الطب ويتمه
تحير الرجل في بعض الدعاوي والعقول تحير=ومنها العين صايبها العمى والاذن منصمه

اخاف ان العظم يكسر ولاينفعبه التجبير=ولاينفعبه التجبير والدكتور ما همه
ليامن غلق البنزين تشر لنبة الامبير =بعدها لاتقول السايق المذكور ماهمه