يالله ياللي تبدي الخلق وتعيد=المبتدى والمنتهى لك يالولي
تعوذنا من كل شيطان مريد=بسنة نبيك والكتاب المنزلي
أنت القوي وأنت الغني وأنت الحميد=خير الهدي هدي الرسول المرسلي
يالدائم الباقي وتفعل ماتريد=اسألك وأنت اللي ماغيرك يسألي
تنصر هل التوحيد والمجد والتليد=إجعل لهم هيبه وحظٍ معتلي
حكامنا اللي رأيهم دايم سديد=ولهم مع العالم رفيع المنزلي
هذا وأنا شاعر على المنبر وأجيد=الشعر بأنواعه لغيري أو الي
وأجود بالأقرب لمعجزة النشيد=للأصمعي صوت صفير البلبلي
وأجلس مع أهل المعرفه حتى أستفيد=حتى أنّي أعرف ويش الي والاّ علي
الوقت ضيق والطلب جاني وأكيد=مالي عذر مادام من طبع عملي
السمع والطاعه وعنها ليه أحيد=هذا الذي عليه من قبلي هلي
من الخيال أنسج طواريق القصيد=واصوّر الواقع وقلت وقال لي
ابني سألني كيف " شاهد وشهيد= "قلت الإجابة : جاهزه فيما يلي
الشاهد الفعل الذي يبقى جديد=يشهد عليه التالي عن الأولي
واذا تسآل عن الشهيد اللي فقيد=فيصل ولد عبدالعزيز الفيصلي
من صغر سنه مثل بلاده وأشيد=بسياسته وَ كان خير ممثلي
عشر وثلاث من العمر بدأ الفريد=ودخل مجالات السياسه وأكملي
خمسين عام وفوقها سبعٍ تزيد=في خدمة الإسلام جهده يبذلي
قاد الجيوش وساربالرأي العنيد=جنوب حتى انّ الغمامه تنجلي
وفتح الحجاز وجاز بالبأس الشديد=البر ولّع نار والبحر يغلي
وصفت وساد الأمن والطائش يهيد=ومعدي المشراف جاك محولي
وأعطيك موجز يحكي الجهد الجهيد=للحاكم اللي كل تاريخه ملي
اذا حكم من عمر يأخذ مايفيد=الحاكم اللي بين شعبه يعدلي
وإذا خطب يفقه منه حتى البليد=فصاحته من نهج ابي طالب علي
القدس زاره وأعتقد كان الوحيد=صلى وكبر فالرحاب وهللي
وكان الأمل والأمنيه إنّه يعيد=والأرض من تحت اليهود تزلزلي
كأنّه على العدوان سيف بن الوليد=كانّه عليهم سؤ نارٍ تصطلي
يهابه اللي مايعرفه من بعيد=واليا بغى يقرب قريب يجفلي
وكأنّه يحطمهم كما أعجاز الجريد=إذا قال : يكفيني عن الفورت جملي
ومن الشجر نقدر نعيش مع الجليد=ولاهمت الدنيا تغيض وتمتلي
مرحوم ياللي مايكيده من يكيد=حتى ولوّ إنّك تخان وتقتلي
تاريخك الحافل لنا يبقى رصيد=يكتب بأحرف من ذهب ويسجلي
من تل أبيب ليا الحديده للصعيد=للشرق كله بالنجاح مكللي
يامن تسأل عن الشهيد اللي فقيد=فيصل ولد عبدالعزيز الفيصلي

المشاركة الأصلية كتبت بواسطة ذيبان (المشاركة 838958) الله واكبر رحم الله الملك العادل فيصل ولد عبدالعزيز الفيصلي :( وابقى الله حبيب العازمي ليشبعنا ابداعاً قصيده رااائعه ومجاراه للأصمعي وافي الخماش مبدع مبدع مبدع شكرا لك

المشاركة الأصلية كتبت بواسطة ذيبان (المشاركة 838958) الله واكبر رحم الله الملك العادل فيصل ولد عبدالعزيز الفيصلي :( وابقى الله حبيب العازمي ليشبعنا ابداعاً قصيده رااائعه ومجاراه للأصمعي وافي الخماش مبدع مبدع مبدع شكرا لك

المشاركة الأصلية كتبت بواسطة هايل العتيبـــي (المشاركة 838960) وعليكم السلام... اشكرك ياوافي على نقل القصيده ... وصح لسان شاعرنا الكبير/ حبيب العازمي ... لاهنت... .............

المشاركة الأصلية كتبت بواسطة محمد العتيبي (المشاركة 839061) آآآمين....

المشاركة الأصلية كتبت بواسطة فيصل المسعودي (المشاركة 839074) شكراً ياوافي الواااافي على هذا الإبداع في النقل لهذه القصيدة المتوشحة بالإبداع من شاعرها/ حبيب العازمي في حاكم بقي تاريخه خالداً في الأذهان رغم تعاقب الأجيال شكراً ياوافي ودام ابداعك ياغالي تحياتي

المشاركة الأصلية كتبت بواسطة بناخي الايداء (المشاركة 839082) الله يرحم الملك فيصل بن عبدالعزيز ال سعود (شهيد الامه) وصح لسان الشاعر/ حبيب العازمي على القصيده الجزله وافي الخماش لاهنت على النقل تحيتي

المشاركة الأصلية كتبت بواسطة سلطان نايف العضياني (المشاركة 839467) صح لسان الشاعر/حبيب العازمي ورحم الله الشهيد فيصل بن عبدالعزيز أطلب من الله أن يكون في جنات النعيم مع عمر بن الخطاب وعثمان بن عفان فكلهم سعوا في نصرة الدين وقتلوا بأيدي الغدر’’’’’’ ولن تنجب الأمه أبدآ قائدأ مثل الفيصل بالحكمه والفطنه والدهاء فصدق عبدالمعين بن عقل حين قال: فيصل ولا فيصل يسمى غيره+فالشرق والغرب وجنوب وشام ولاجابن الخفرات مثله ولاجلس+للحكم مما جاء من الحكام الله على ماكل عذرآ تلحلحت+عن مثل فيصل جايتن بغلام