الليله المعنى مثل قدح الشرار من الزنود=كنه لبو تركي وابومشعاب رفرف ياعلم
المشرفين اثنين ابن سرحان والمشرف سعود= كل الثنين يسدهم مشهاب رفرف ياعلم

هات المعاني هاتها وابشر بجزلات الردود = يالشاعر اللي ماطرقت الباب رفرف ياعلم
حنا على المرقاب نبدي ثم نرقيها سنود = وانته على المشهاب زبدك ذاب رفرف ياعلم

حنا شيوخ القوم وانتم ياعساكم فالوجد=في دارنا والله محنا اجناب رفرف ياعلم
الكارثه فدبي من صنع النصارى واليهود= من كيس زايد تدفع الاتعاب رفرف ياعلم

ونعم بكم ياصحابنا والمعرفه ورث الجدود = عند المواقف تعرف الانساب رفرف ياعلم
ليتك تجينا بالخبر وانته من الناس الشهود =للعقرب اللي شفتها والداب رفرف ياعلم

تسلم يابن سرحان والله ما على شرواك زود=المسلمين اخوان ماش احزاب رفرف ياعلم
نباك تجمع من ثبيت اهل الكرم 90 عود= ترى الوفا والطيب فالشياب رفرف ياعلم

اثبيت لا وقفوا نهار الزحف مافيهم شرود = تلقى اسمهم حاظر فكل اكتاب رفرف ياعلم
يوم ان بعض الناس وسمه ضاع في جنب القعود = والبيت مايبنا بدون اطناب رفرف ياعلم

وانعم فيكم مار نبغى اسود من صلب الاسود=نفخر بهم فالماقف الغصاب رفرف ياعلم
لاتجهل المعنى وميز فالصوادر والورود= لن كان تحسب للعلوم احساب رفرف ياعلم

بعض الكلام اللي تقوله نعرفه مامنه فود = لا تحذف الجمله من الاعراب رفرف ياعلم
خل الجنايز ليه تبعثها من ابطون اللحود = ليتك تعلمنا وش الاسباب ؟؟ رفرف ياعلم

لا واحليل اللي يصرفها مثل صرف النقود=والسيف مايصلح بدون انصاب رفرف ياعلم
حنا على سنة رسول الله وعن عرضه نذود= وانا ادري ان امسيلمه كذاب رفرف ياعلم