سلام تسليم على عزن مقيم=شامخ بعز المملكه وامجادها
سقته ويممته على دار الكريم=اللي وفا حكامنا يرتادها
سقته لحكامن سلايل للعظيم=حكام دار مايضيع اشدادها
راعين الاولى مانسينا من قديم=يوم أن مبارك طيب نفسه صادها
فعله مع ابن سعود ماهوب اليتيم=يوم استظافه وسط دار شادها
أكرم ضيوفه بكرمن مثله عديم=واعطاه كيف يسوس ضرب زنادها
ويوم ان نجد امطبعه بطباع ريم=واللي بغاها ماقدر يقتادها
صمم أبو تركي يبا وصل النديم=دارن هواها دم قلبه رادها
من هاهنا حط العزايم فالصميم=شد العزوم من الكويت وزادها
ستين فارس يتبع لفكرن سليم=يبغونها ترجع لملك اسيادها
ونجد اهتوت عبدالعزيز ابن الزعيم=واخذ موافقها وجاب اعتادها
واليوم تنعم نجد بالعيش الكريم=في ظل حكامن بدرب اجدادها
ومن نجد اسوق الرجل ماهتم لخصيم=واقول لأهل الأوله واحفادها
سلام مثل النور لاجلا الجهيم=على الكويت الشعب واللي قادها
سلام بحساس المشاعر مستهيم=محبتن ماأحصيت كم اعدادها
شاعر ولي فالقلطه الخير العميم=كنزن ملكته من خيار امدادها
ابصرفه واعطيه للي به عليم=دام العطيه تذكر اللي جادها
بدعة عتيبي عن الهزله يشيم=وليا هرج يحتاط من نقادها
واحمل سلامن يردفه ودن حميم=من ربعي أهل المعرفه وأوتادها
اعتيبه الهيلا ومن يجهل غشيم=قومن على الطاله تسوق أولادها

بيض الله وجه ابو غازي

ونتمنى له التوفيق والسداد ..

لاهنت ياطارق
...

ماشاء الله عليه ..

عز الله ابدع وتميز بتلك الليله وأضفى للبرنامج

الجماليه ومتعة المشاهده ..

الله يوفقه
...

يا عتيبه مانوصيكم وصاه = المواقف والفزايع طبعكم
ابنكم في وقفته قرب لقاه = ذاخر كسب اللقا من فعلكم

سلام يااهل الجود والوقفات والخير الفضيل=واهل الجمايل مايسجل غير طيب افعالها
ما يارد العد العذي غيراللذي حبله طويل=وانتم حبال المعرفه في دقها وجلالها
الحمل لامنه ثقل شلته على غارب شعيل=واليوم ماعاده شعيل اليوم فعل رجالها
محمد الشاعر قبس فاالملعبه نار الفتيل=والنار من شبابها والخيل من خيالــها
ياكلمتن بااقولها من خاطري والله وكيل=قبل المنايا فوق راسي تبترم بحبالـها
تكفون ياالهيلا عتيبه ياهل المد الجزيل=تكفون والفزعه ترا غير العتيبي مالهـا

يــامـحـمد عـلـى العلــيا رقــيـت= تــدحـم الشـعـار بالجنــب القــوي
سمعتك من الحجاز إلى الكويت=وفـي عـلاوي نـجــد جـايـلـك دوي
واصل الدرب الطويل اللي بـديت=وشد حيلك في الطريق المستـوي
ولا يهمـك مـن يكون إليـا نويـت=والـخـصـم فـالـمـلعبــة ازوه زوي
انـت مـثـلـت الـقـبـيـلـة ووفــيـت=والـــقـبـيـلــة دوم تـاقـف للـخــوي
كـيـف وانـتـه ولـدهـا واعتــزيت=مـايـجـنـب عـنـك رجـــال حـمــوي
صـوتـوا لـه يـاعتيبــة بيـت بيـت=وحـطـمـوا الأرقــام والله الـقــوي

دقت طبول الحرابه وجاء وقت اللزوم=شبو النيـران والنـار مـن شبابهـا
البروق تلوح والسيل ينفعكـم عمـوم=والمطر ودان والنـار مـن شبابهـا

الله يوفق ابو غازي ..

ولاهنت ياطارق وماقصرت ..