لا تلتفت يمي .. ولا تحتريني !=انا / هنا وقفت ركابي وريّحت
للماضي اللي كان بينك وبيني=رفعت يمناي الكريمه .. ولوّحت
ماني على كيفك .. مثل ماتبيني=حتى ولو اني صفحت وتسامحت !
اعلّمك .. وانت اعلم الناس فيني=آمسيت من ليلة طعونك ولا اصبحت
من كثر صدماتي ونكسة سنيني=هللت .. واستغفرت لله .. وسبّحت
ياما وياما .. شلتك بـ( راحتيني )=وياما على ضلوع الحنايا تمرجحت
كل العلوم اللي ماابيها .. تجيني=واقول ( مع نفسك ياليتك تصالحت ) !
امد لك .. عن كل طيحه / يميني=لا تحسبني .. في مطيحك تفرّحت
ذنبي : نحّت اسمك .. بعد والديني=ولو ينمحا المكتوب .. ما ينمحا النحت
لكن قدر .. مكتوب لي في جبيني=واليوم عن دربك / بدربي تسمّحت !
وان قادني لـ.. أغلا الاماكن حنيني=ابذكر انك .. من مكانك تزحزحت
ياطير ما انت بوسط صدري سجيني=اكفخ .. وقابلك الفضا وين ما رحت
شمع المحبه .. كان اصابع يديني=يا كثر ما ضوّيت لأجلك .. وسرّحت
لـ.. اقرب قريب ٍ لي .. ما ابيّح كنيني=واعلمّك .. يوم اني لـ.. شخصك ارتحت
حطّيتك بـ.. عيني .. وغمّضت عيني=وياليتني : غمّضت عيني ما فتّحت !
وفتحت عيني ودي اشوف ويني ؟=ومْع الاسف ومْع الاسف منّها طحت

منقووول

المشاركة الأصلية كتبت بواسطة صقـر عتيبـة (المشاركة 833406) صح السانك والسان كاتبها درر من درر التاريخ والله لا يحرمنا من دررك لك تحيااااااتي صقر عتية

المشاركة الأصلية كتبت بواسطة تركي العريض (المشاركة 833430) يعطيك العافيه فعلا رائعه رائعه بمعنى الكلمه

المشاركة الأصلية كتبت بواسطة محمد العتيبي (المشاركة 833561) الله الله وافي يافيصل .. اختيار شامخ .. صح لسان العملاق / مشعان البراق .. تحيتي ...

المشاركة الأصلية كتبت بواسطة عبدالرحمن الهيلوم (المشاركة 833570) يعطيك العافيه صح السانك والسان كاتبها

المشاركة الأصلية كتبت بواسطة بدر الكريزي (المشاركة 833740) مشعان البراق .. كلمة مبدددع قليلة بحقه .. لا هنت يا فيصل على روعة اختيارك .. عافاك الله ..

المشاركة الأصلية كتبت بواسطة عبدالله الجـــذع (المشاركة 833930) ابو منيف لاهنت على هالنقل المميز متتعودين نجد الابداع في متصفحك ارق تحايا لك وصح لسان الشاعر الجميل والمبدع مشعان البرآق محبك .,