مل قلب(ن) كل ما غنى المغني = دق هاجوسه وزادت به همومه
والسبب كله وليف(ن) غاب عني = صاحب(ن) فالقلب صاطيت(ن) سهومه
صاحب(ب) زينه بهالدنيا فتني = غاب عني وارمست حتى علومه
والله اني من فراقه والله اني = ساهر(ن) فالليل واراعي نجومه
طول ليلي ساهر(ن) وحدي واوني = والهموم تقول فالصدر معزومه
لا بغيت النوم جني وازعجني = وطير(ن) عن جفني النعسان نومه
ولا بغيت ادله هجوسي ذكرني = ثم خذا فكري مع التفكير حومه
ثم ذكرت ايامي اللي خالفني = يوم كان العز كاسينا هدومه
يوم بالزين والوصل متهني = ما دريت ان الزمن عجل(ن) هجومه
ويا وليفي بنشدك وش جاك مني = الجفا والصد قلي وش لزومه
ما حصل مني خطا واخلفت ظني = الغلا بعته كذا بأخس سومه
روح جعلك من غيابك ما تثني = كيف اخيل البرق لا قفت غيومه

المشاركة الأصلية كتبت بواسطة بجّاد الثبيتي (المشاركة 830073) صح لسانك يالدغيلبي وقصيد بمنتهي الروعة والأبداع أستمتعت بالقراءة لك ..

معجب العتيبي

صح بدنك واكرمتني بمرورك