ما تفرج ضيقة(ن) حبلها عقده جويد = لين اشيل الصوت واخذ على الجيب نهوه
في سنع بدو(ن) بعد قربهم راحوا بعيد = دونهم للجيب روحه ومسراء وضحوه
لا جزاء الله خير راع المشوره بالشديد = ولا للعسوس اللي عطوهم خبر صيف فحوه
ودي اتعب في سنعهم على صاف الحديد = لو ما حصل عندهم غير فنجال قهوه
وشوفة اللي حط له فالحشاء رف(ن) فريد= وحط له فالرف عش(ن) تقل عش صعوه
ان حكا لي عيد وان مد الي يمناه عيد= يوخذ الفنجال منها على غير شهوه
والهواء المعتاد راعيه لو ما يستفيد = غير شوف اللي يريده لقى فيه لهوه
ولا يواخذ لو نقص فالكلام ولو يزيد = ولا يعاتب لو يجي فيه سجه وسهوه

المشاركة الأصلية كتبت بواسطة mh.k (المشاركة 827623) لاهنت يا سلطان بن دحيم وصح لسان الشاعر الكبير عبدالله بن عون

صح لسان الشاعر العلم / عبدالله بن عون ..

ولاهنت ياسلطان على النقل

ودي اتعب في سنعهم على صاف الحديد=ولو ماحصلي عندهم غير فنجال اقهوة

المشاركة الأصلية كتبت بواسطة سلطان نايف العضياني (المشاركة 830557) عبدالله بن عون عميد شعراء الجزيره وهو المتربع على قمة شعر النبط وآخر شعراء الفطره القداما أطال الله في عمر أبونايف مشكور ياسلطان دحيم