سلام من بال ليا هوجس سرى في كل صوب=سوات طير هده القناص والساري سرى
يكفخ على روس الجبال من الشمال اليا الجنوب=ون جا على شاطي البحر غواص والساري سرى

يامرحبا ترحيبة ٍ ميقاعها وسط القلوب = من شاعر ٍ في ماقفه ماحاص والساري سرا
ياطير يالي تكفخ الجنحان شالتك الهبوب = ماكل طير ٍ يعرف المخلاص والساري سرا

لك البقى يللي ترحب ما نبا نغوا الدروب=نرمي الهدف بالبندق ام رصاص والساري سرا
ان هبت الهبان لطير اعتلى فوق السحوب=وليا نزل قص العظام اقصاص والساري سرا

التاجر الي يدخل الاسواق مليان الجيوب = مايتشري غير الذهب والماص والساري سرا
مودٌنا نعطيك حمله مثل حملات الجيوب = وانته لحم وعظام منته شاص والساري سرا

التاجر اللي يشتري سلعه ولا فيها عيوب=مايحسب الارباع ولانصاص والساري سرا
ماودي اعاملك عملة من عصا عيا يتوب=انكتفه ونحمله فالباص والساري سرا

ان كان ابو بندر على ماقيل ناوي بالحروب = نبا نغفصه غفصت الغفاص والساري سرا
الله يكافينا البلاوي والمصايب والذنوب = ياطير يالي داخل الاقفاص والساري سار

اللي يخالف دربنا ماهو علانا بمحسوب=ياللي تمص الزاد بالمصاص و الساري سرا
هذا كلام الصدق من صاحبك ماهو بالكذوب=يزيد ماينقص منه نقاص والساري سرا

الي على درب السنع مايلحقه لوم وعيوب = تمر الحسا ماهو كما الاخلاص والساري سرا
ترا الرحاه المستديره تدرج فوق الحبوب = هذا كلام الصدق يامشقاص والساري سرا