فنجال يا فنجال يا طيب الفال=لحصولك النخبه عتيبه تبارك
مبروك فوزك ياولد والك تنقال= عدد فيات البل ومنهو مشارك
فنجال يارمز الفخر عبر الاجيال =ياراعى الطالات والخير فالك
ماهى غريبه فوزك بكل الاحوال=ونوادر البل كلها فى حلالك
ويا مالكين الوضح مدام فنجال=فى ساحة الميدان لحدٍ يشارك
وضح ابو خالد تفرق بكل الاشكال=وان جيت اوصفها بقصر بذلك
لكن بحاول واجتهد وافتح اقفال=من شان وضح جعلها له تبارك
لاشفتها باقبال مشين وزرفال=تشبه كتايب جيش وسط المعارك
والوانها تسطع كما برق شعال =برقٍ يسر العين لامن بدالك
وارقابها سردن وجردن من الحال =وكن الخشوم جيوب لكزز جمارك
والا السنام المنفهق كنه جبال=متوخرن لورو كها ومتوارك
ومطبعه وتقول تفهم للاقوال=ان قلت يمين يمين والا شمالك
لاصاح راعيها وصوته بهوبال=ترايع لصوته تفج المسالك
ولا جاء نهار العرض سوت به هبال=وجمهورها يهتف عسى الله يبارك
واللجنه توقف لها شوق واجلال=وتعرف نتيجتها قبل لا تشارك
وبالزين يافنجال يضربها امثال=وضحك يابو خالد عساها تبارك
وختامها يالقرم يا رمز الابطال=شاش النفيعى بالمثايل وشارك

صح لسانك ياسلطان ولقب شاعر قليل في حقك
ويستاهل ابو خالد فخر لقبيلة عتيبه كافه

المشاركة الأصلية كتبت بواسطة أبو مصلح 511 (المشاركة 826247) سلطان صح لسانك وفنجال يستاهل الطيب وافي تحياتي

المشاركة الأصلية كتبت بواسطة هايل العتيبـــي (المشاركة 826250) ياسلاااام ياسلاااام ... صح لسانك وبيض الله وجهك يالمفرجي .. عزالله قصيده جزله ..ويستاهل فنجال العلوم الغانمه... ويااسلاام لو ابو فيصل يغنيها تطلع من احسن مايكون.. لاهنت

المشاركة الأصلية كتبت بواسطة بندر سعود الدغيلبي (المشاركة 826251) صح لسانك ياسلطان قصيدة جزلة من شاعر جزل وموضوعها جزل فنجال يستاهل كل علماً غانم تقبل شكري وتقديري

المشاركة الأصلية كتبت بواسطة محمد النفيعي511 (المشاركة 826657) http://up111.arabsh.com/s/trunpyy3lb.gif

المشاركة الأصلية كتبت بواسطة ابو فايح (المشاركة 826819) ويا مالكين الوضـح مـدام فنجـال***فى ساحة الميـدان لحـدٍ يشـارك صح لسانك ياسلطان ولقب شاعر قليل في حقك ويستاهل ابو خالد فخر لقبيلة عتيبه كافه

المشاركة الأصلية كتبت بواسطة بندر المرشدي (المشاركة 826869) سلطان صح لساااااانك وابو خالد يستااااااااهل وزود

المشاركة الأصلية كتبت بواسطة الشاقي1 (المشاركة 829200) مبدع يا سلطان المفرجي وصح لسانك قصيده جزله وفنجال يستاهل تقبل مروري

المشاركة الأصلية كتبت بواسطة ابن سرحان الثبيتي (المشاركة 889904) سلطان المفرجي وافي ولا تجيب الا الوافيه ... ويا مالكين الوضـح مـدام فنجـال فى ساحـة الميـدان لحـدٍ يشـارك ... بيض الله وجهك وصح لسانك مدد