الاوله يا سلامي عد وبل المزون = وعداد ما لاح وسط المزن براقها
والثانيه يالسعيدي قوم جر اللحون = والملعبه لا تنام الليل عشاقها

الله يحييك ما نبت الزّهر والفنون = من ربعةٍ فاللّوازم مانثنى ساقها !!
والله لوّ الصعوط مداويٍ للجنون = ماشفت بنت الهوى تدمع مع احداقها !!

الك البقاء يالسعيدي عد نبع العيون = والملعبه ودنا في كسفت اوراقها
يا صاحبي بنشدك وانته علانا تمون = ويش اسمها ديرة(ن) حولت برقاقها

لاتكشف القدر قبل انجيب جنبه صحون = قدام تنشب بوجبه منت مطّاقها !!
اليا لفيت الرّجال موسّعين الطّعون = وشلون ابزعل من الجهّال واخلاقها !!

يا صاحبي يالسعيدي فالزمن من تكون = الشمس ما يطلع من الغرب مشراقها
يا صاحبي ليت منتم للصنم تعبدون = والناس تعبد ولي العرش خلاقها

الناس صامت وربعك فالحبش ياكلون = رح للحبش وامزع عروقه من اعماقها !!
اثرك غاوي مشاكل ياعريض السّنون = شكلك نسيت ابرهه والناس واحراقها !!

يا صاحبي يوم ضرب السيف فوق المتون = حنا خذينا سلاح القوم ونياقها
واليوم حنا عزاز فالزمن ما نهون = والروس يا صاحبي معروف حلاقها