الهيـــــــــــــلا *** منتدى قبيلة عتيبة
صفحة 1 من 2 1 2
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   الشجـــــرة اللي تقول غصونها غطت جبال السراه (http://www.otaibah.net/m/showthread.php?t=87887)

رعد الروقي 19-Mar-2009 01:52 PM
الشجـــــرة اللي تقول غصونها غطت جبال السراه
 
.





السلام عليكم





تعال يا النشمي خلنا نستفيد منك:




.


العام أوصيك يالنشمي لكنــــــك ما حفظت الوصاه=لا زلت ترعى طواريف الحمى وتزهّـب الديناميت
الشجـــــرة اللي تقول غصونها غطت جبال السراه=ما غير حلم ً حلمته في منامك وانتبه لا صحيت

عبدالله الجـــذع 19-Mar-2009 02:19 PM
هلا بالعمددددده

بدعه راآئعه ولااوصيك فالعود :)


بانتظار الغالي ابو فهد

واكيد راح يكون محراف غير

والصف صفك يالعمده

الليييييييييييل

قادح شرار 19-Mar-2009 02:26 PM
اقتباس:
المشاركة الأصلية كتبت بواسطة العمــــــدة (المشاركة 825043)
.
الشجـــــرة اللي تقول غصونها غطت جبال السراه=ما غير حلم ً حلمته في منامك وانتبه لا صحيت
يا سلااااااام ..

أعتراض شديد اللهجة من عمدة الشعار ...

صح لسانه ..

وبأنتظار أبو فهد وصح لسانه مقدما ً ..

حاكم الغنامي 19-Mar-2009 03:02 PM
الله الله


صحت الالسن والقلوب


متابعين لكم

علي الثبيتي 19-Mar-2009 05:59 PM
وعليكم السلام ورحمة الله وبركاته
استلم
انته توصي وتحذف فالقفى ودك بشقر العصاه=وناساً تدور على شقر العصى عن شكلهم مادريت!!
غطت جبال الحجاز ونجد والزعلان يقظم حصاه=اثبيت مرجع عتابه كلها ياكيف تجحد ثبيت!!

نوآف الغنامي 19-Mar-2009 06:11 PM
الله الله

صح الله السنتكم ..

واصلوا واصلوا ..

متتتتتابعين ..

..

رعد الروقي 19-Mar-2009 07:28 PM
الله الله

لا تتهمني بتهمة مالبسها الا انت لبس العباه=يالشاعر اللي تجاهلت الورود اللي يمرون هيت
ما اظن بطنك كبير وياسع المفتين فوق القضاه=المملكة يالثبيتي كيف تجمع شعبها وسط بيت







هلا بالجميع وراجع ارحب بكم فرد فرد



خارج للضرورة وراجع ان شاء الله ممكن اتاخر

ابو لمار 19-Mar-2009 07:34 PM
الله الله الله يالعمده
صح لسانك

وصح لسان ابو فهد
كبير ثبيت

واصلواااااا متااابعبن



تحياااااااااااااتي

سعود العصيمي 19-Mar-2009 07:42 PM
الشجرة اللي تقول غصونها غطت جبال السراه
ما غير حلم ً حلمته في منامك وانتبه لا صحيت

الله الله


يالعمدة صح لسااانك مبدع مبدع



غطت جبال الحجاز ونجد والزعلان يقظـم حصـاه
اثبيت مرجع عتابه كلها ياكيـف تجحـد ثبيـت!!



غطت جبال الحجاز ونجد والزعلان يقظـم حصـاه
اثبيت مرجع عتابه كلها ياكيـف تجحـد ثبيـت!!



الله الله


يابوفهد


صح لساااانك

مليووون

شـــلـــهوب 19-Mar-2009 07:49 PM
ياسلام يالعمده
وياسلام يالنشمي


لعب كايف واصلوا

علي الثبيتي 19-Mar-2009 08:09 PM
طيب طيب ياعمدة

لاتنسبون الجرايم للعرب وانتم كبار الجناه=انفك باب المصايب يارعد من يمكم كن بليت!!
انته بحكم الامير اليا مشى في درب تمشي وراه=والشعب والمملكه تحت الامر زعلت والا رضيت!!

عمير الثبيتي 19-Mar-2009 09:12 PM
انته بحكم الامير اليا مشى في درب تمشـي وراه
والشعب والمملكه تحت الامر زعلت والا رضيت!!



الله الله الله الله لافض فوك يالنشمي مافيك حيله



االعمده الله الله ساري في لليل قذقذ ههههههههههههههه

رعد الروقي 20-Mar-2009 01:12 AM
عبدالله الجـــذع // قادح شرار // حاكم الغنامي // خيال الصفرا
ابو لمار // سعود العصيمي // شلهوب // بادي المراقيب



الله يحييكم ملايين وصحت ابدانكم شرفني مروركم

رعد الروقي 20-Mar-2009 01:17 AM
الله الله


لاجيت تهضم حقوق الناس لا تنسى كبار الرواه=يا فاتل الماانشيـــــت ابشر برجلً ينقض الماانشيت
ادخل مع الصف قدام العرب تدرج عليك الرحاه=لا تحسبنك تصلي بالجماعة ياعلي لا بغيت

بدر الكريزي 20-Mar-2009 11:36 AM

الله الله


العمـدة و النشمي ..

صحت السنتكم ..


متااابع لإبدااااعكم ..



و اصلواا ..

طائر الاشجان 20-Mar-2009 01:08 PM
الله الله

العمده & النشمي

مبدعين وطاروق ناري صحت اللسنتكم ومتابعين معاكم :)

سلطان المفرجى 20-Mar-2009 01:15 PM
العمده


النشمي


عمالقه


تقبلو مروري

علي الثبيتي 20-Mar-2009 02:10 PM
الله الله كفو يارعد

وجهتكم للصحيح وتدخلون بعلم فيه اشتباه= من يامنك يارعد دامك عن الدرب السوي احتديت!!
انا زعيم الصفوف وشيخ لا نادى مناد الصلاه=صليت بالكل من حد الضفير اليا حدود الكويت!!

علي الثبيتي 20-Mar-2009 02:12 PM
حي الله الجميع وكل واحد يستاهل رد خاص وحبة خشم
بيض الله وجيكم
اخوكم ومغليكم
ابوفهد

أبو مصلح 511 20-Mar-2009 02:18 PM
الله الله


العمـدة و النشمي ..

صحت السنتكم ..



ابداع ابداع ابداع




تحياتي

رعد الروقي 20-Mar-2009 05:59 PM
ما عليك زود يالنشمي

يا ســـــــلام


مثـــلـك نجوم السماء يا نجم ياللي معتلي في سماه=ما دمت ماانت السماء تبقى مجرد نجم مهما عليت
يوم العرب يشترون الموت يالنشمي شريت الحياه=حطيت مركى تحت فية شره يا صاحبي وارتكيت

رعد الروقي 20-Mar-2009 06:07 PM
عبد الله الجذع الصف يزهابك يالذيب





بدر الكريزي // طائر الاشجان //سلطان المغرجي // ابو مصلح 511



هلا ومرحبا صحت ابدانكم ومروركم شرف لي وللمصيبة النشمي

عمير الثبيتي 20-Mar-2009 06:30 PM
اقتباس:
المشاركة الأصلية كتبت بواسطة العمــــــدة (المشاركة 825477)
ما عليك زود يالنشمي

يا ســـــــلام


مثـــلـك نجوم السماء يا نجم ياللي معتلي في سماه=ما دمت ماانت السماء تبقى مجرد نجم مهما عليت
يوم العرب يشترون الموت يالنشمي شريت الحياه=حطيت مركى تحت فية شره يا صاحبي وارتكيت
الله الله الله الله الله

ابداع ابداع ابداع ابداع ابداع

عمير الثبيتي 20-Mar-2009 06:32 PM
اقتباس:
المشاركة الأصلية كتبت بواسطة النشمي (المشاركة 825404)
الله الله كفو يارعد

وجهتكم للصحيح وتدخلون بعلم فيه اشتباه= من يامنك يارعد دامك عن الدرب السوي احتديت!!
انا زعيم الصفوف وشيخ لا نادى مناد الصلاه=صليت بالكل من حد الضفير اليا حدود الكويت!!
جزاله جزاله و تحكيم تحكيم بيوت


ابداع ابداع ابداع ابداع ابداع

علي الثبيتي 20-Mar-2009 06:34 PM
اعرف نجوم السما والفرق واضح بين هذا وذاه= فيها النجوم الدلايل وانت فسرها على مشتهيت!!
ماكل منهو تمنى يارعد فالوقت حقق مناه=يالتاجر اللي مع التجار وسط السوق بعت وشريت!!
الشاعر العملاق العمدة انا معزوم
واحتمال اتواجد الساعه 11

رعد الروقي 20-Mar-2009 09:21 PM
توّي قريت اعتراف صويحبي وأظن ربي هداه=الحمد للمستعان اللي مسدد خطوتي لا مشيت
مريتها تطوي الاميال مالقيتها الانتباه =تفقد الخرج يا راع الذلول وقول لي وش لقيت









أكلتني وتقول عملاق !! يالله الخراج

رعد الروقي 20-Mar-2009 09:22 PM
حياك الله يا بادي المراقيب والابداع مرورك

معجب العتيبي 20-Mar-2009 09:54 PM
العمده


النشمي


شعار كبار

ومحاوره راقيه


والمعنى في بطن الشاعر ههه

علي الثبيتي 20-Mar-2009 10:10 PM
اصويحبي راح مقفي جعلها روحة مقاط ورشاه=يقراء نصوص الكتاب المعتبر ويقول انا ماقريت!!
مريتها والمغطا يارعد ماودي اكشف غطاه=ارميلك الهاص والشوكه ومن غشمك ترد السبيت!!

رعد الروقي 20-Mar-2009 10:57 PM
ههههه


الله الله



انته تنازلت عن دعواك والمكتــــــوب كل قراه=لا عاد ترتد دامك يا رفيقي طفت معي وسعيت
رميت لي هاص مار الحكم شريا والورق في سراه=رتب كروتك وخلك في طريقك للهدف مستميت

رعد الروقي 20-Mar-2009 11:00 PM
الله يحييك يا معجب العتيبي شرفت ونورت





صح بدنك ولاهنت



والمعنى في بطن النشمي ههههه

عبدالله الجـــذع 20-Mar-2009 11:49 PM
هاه يالعود

وش تقول
الحكم شريا وتلعب هاص

ورا ماتربع :(

الله يهديك بس :)

واصلوا يامبدعين

قاف جميل جدا

لاهنتم

.,

رعد الروقي 21-Mar-2009 12:02 AM
الجمال لا يكتمل الا بحضور الكرام امثالك









الله يحييك يا عبد الله الجذع اتشرف بتواجدك





ولا اوصيك فالنشمي اشغله عند المايك لا جا يقول البيت




اظنه يتلخبط ما خلى عني شيء << وده ينحاش

علي الثبيتي 21-Mar-2009 06:14 PM
طيب طيب الله يخارجنا منك ياعمدة

يامعجب افزع وناد اصحيبك الفالح وناد الجلاه=هقيت لي هقوةٍ في صاحبي ياليتني ماهقيت!!
نطقت بالحق والمخطي تمادى ياعرب في خطاه=ومنهو تمادي وكابر فالخطا ماخذة معه وعطيت!!

حاكم الغنامي 21-Mar-2009 07:13 PM
طارووق فايف ستار


الله عليكم

متابعين

بندر سعود الدغيلبي 21-Mar-2009 07:25 PM
هذا والله الطاروق المسري

صح لسانك يالعمدة

شاعر جزل ومبدع في الفتل والنقض

صح لسانك يالنشمي شاعر عملاق

أتحفتونا بهذه المحاورة

بيض الله وجيهكم

رعد الروقي 21-Mar-2009 10:39 PM
الله الله

يا سلااام


صاحبك واحــــــــد وسيفه يا وسيع المعرفه في خباه=وانته تنـادي وتنخى فالعــرب وتقـــــول كيـتً وكيت
يا راعي السيل دام السيـــــل بين جبال محصور ماه=مسراك لو تشعب بعيرك قريــّب من محل المبـــيت

رعد الروقي 21-Mar-2009 10:41 PM
حاكم الغنامي // بندر سعود الدغيلبي





الله يحييكم وصحت ابدانكم شرفناااااااا تواجدكم

رعد الروقي 21-Mar-2009 10:49 PM
العمدة

العام أوصيك يالنشمي لكنك ما حفظت الوصـاه=لا زلت ترعى طواريف الحمى وتزهّب الديناميت
الشجرة اللي تقول غصونها غطت جبال السراه=ما غير حلم ً حلمته في منامك وانتبه لا صحيت

النشمي

انته توصي وتحذف فالقفـى ودك بشقـر العصـاه=وناساً تدور على شقر العصى عن شكلهم مادريت!!
غطت جبال الحجاز ونجد والزعلان يقظـم حصـاه=اثبيت مرجع عتابه كلها ياكيـف تجحـد ثبيـت!!

العمدة

لا تتهمني بتهمة مالبسها الا انت لبس العبـاه=يالشاعر اللي تجاهلت الورود اللي يمرون هيت
ما اظن بطنك كبير وياسع المفتين فوق القضاه=المملكة يالثبيتي كيف تجمع شعبها وسط بيـت


النشمي

لاتنسبون الجرايم للعـرب وانتـم كبـار الجنـاه=انفك باب المصايب يارعد من يمكم كن بليـت!!
انته بحكم الامير اليا مشى في درب تمشـي وراه=والشعب والمملكه تحت الامر زعلت والا رضيت!!

العمدة

لاجيت تهضم حقوق الناس لا تنسى كبار الرواه=يا فاتل الماانشيت ابشر برجلً ينقض الماانشيت
ادخل مع الصف قدام العرب تدرج عليك الرحاه=لا تحسبنك تصلي بالجماعة ياعلـي لا بغيـت

النشمي

وجهتكم للصحيـح وتدخلـون بعلـم فيـه اشتبـاه=من يامنك يارعد دامك عن الدرب السوي احتديت!!
انا زعيم الصفوف وشيخ لا نادى منـاد الصـلاه=صليت بالكل من حد الضفير اليا حـدود الكويـت!!

العمدة

مثلك نجوم السماء يا نجم ياللي معتلي في سمـاه=ما دمت ماانت السماء تبقى مجرد نجم مهما عليت
يوم العرب يشترون الموت يالنشمي شريت الحياه=حطيت مركى تحت فية شره يا صاحبي وارتكيـت

النشمي

اعرف نجوم السما والفرق واضح بيـن هـذا وذاه=فيها النجوم الدلايل وانت فسرها على مشتهيـت!!
ماكل منهو تمنـى يارعـد فالوقـت حقـق منـاه=يالتاجر اللي مع التجار وسط السوق بعت وشريت!!

العمدة

توّي قريت اعتراف صويحبي وأظن ربي هداه=الحمد للمستعان اللي مسدد خطوتي لا مشيـت
مريتها تطـوي الاميـال مالقيتهـا الانتبـاه=تفقد الخرج يا راع الذلول وقول لي وش لقيت

النشمي

اصويحبي راح مقفي جعلها روحة مقـاط ورشـاه=يقراء نصوص الكتاب المعتبر ويقول انا ماقريت!!
مريتها والمغطا يارعـد مـاودي اكشـف غطـاه=ارميلك الهاص والشوكه ومن غشمك ترد السبيت!!

العمدة

انته تنازلت عن دعـواك والمكتـوب كـل قـراه=لا عاد ترتد دامك يا رفيقي طفت معـي وسعيـت
رميت لي هاص مار الحكم شريا والورق في سراه=رتب كروتك وخلك في طريقـك للهدف مستميـت

النشمي

يامعجب افزع وناد اصحيبك الفالح وناد الجـلاه=هقيت لي هقوةٍ في صاحبي ياليتنـي ماهقيـت!!
نطقت بالحق والمخطي تمادى ياعرب في خطـاه=ومنهو تمادي وكابر فالخطا ماخذة معه وعطيت!!

العمدة

صاحبك واحــــــــد وسيفه يا وسيع المعرفه في خباه=وانته تنـادي وتنخى فالعــرب وتقـــــول كيـتً وكيت
يا راعي السيل دام السيـــــل بين جبال محصور ماه=مسراك لو تشعب بعيرك قريــّب من محل المبـــيت

علي الثبيتي 22-Mar-2009 11:34 AM
الله الله
استلم
ان كان راضي عن اللي يكتبونه يامدير القناه=امروجين الاشاعه من وراهم وش كسبت وجنيت!!
خلك معي يارعد فالصف والكذاب نلعن ثواه=اللي كتابه وبحثه من وراه يريد شهره وصيت!!


الساعة الآن »07:52 AM.
صفحة 1 من 2 1 2
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd