|
وصل العطياني وابو مشعاب طاروق المقالب الشعريه
اليوم جايب لكم طاروق بين ابو مشعاب السلمي ووصل العطياني طاروق ملئ بالمقالب الشعريه . ابو مشعاب حاول تمرير بيت يحتوى على لغم شعري ولكن لم يمر على العطياني واستمر الطاروق على هذا النهج لغم ورده . ابو مشعاب : هلا يامرحبا كم مرحبا ياهابطين السوق ***علوم السوق ماتخفى على وصل العطياني فالبيت الاول لا يرحب ولكن يسال كم جاء مرحبا من قبل فالحفل وانا بيني وبين الشعر والشعار لزم حلوق*** سببها حذف متكر يجي من سد الامتاني وصل العطياني : لاتستكثر تراحيبك والاستكثار قلت ذوق*** وانا ياللي نزلت السوق دورني وتلقاني رد جميل من ابو مشهور فالمقلب لم يمشي ولم يقول البقا يمينن ماتكمل مع يمينك جعلها بالعوق*** ولو انك تبانا نذبح الشعار من داني ابو مشعاب: على طول الزمن مشغول مع رقا وعزوه روق*** ليا خلصت من واحد نقز في حلقي الثاني المقلب هنا : ليا خلصت !!! خلص من ماذا ؟؟؟ مقلب قوي تهاويل الزمان اللي على كل اتجاه تسوق*** مشاكل مايعالج ووضعها الا كل ديقاني وصل العطياني: عتيبه حولو فوقك كما نجم السماء من فوق *** وانا ما اغلط على السلمان والسلمان حباني المقلب هنا: حولوا فوقك !!! رد جميل جدا تخيلك مزونن في طوارفها رعد وبروق *** وجود محزمك لن كان في راسك حميداني ابو مشعاب : عتيبه كل ما جاء نجم احطه داخل الصندوق *** وهذا شان ابو مشعاب من ماضي وذا الواني المقلب هنا :احطه داخل الصندوق!!! ماهو الذي يحطه ؟؟؟ وماهو الصندوق؟؟؟ علاك حقوق وانا ليا حجيتك ماعلي حقوق ***سليم من اتجاهات البشر وضعاف الايماني وصل العطياني: توقع يالبقيلي لايجيك الطاق بالمطبوق *** اثر صندوقكم ذالحين يالسلمان ملياني المقلب هنا: صندوقكم !! ماهو صندوقهم ؟؟؟ ملياني !! من ماذا مليان؟؟؟ قلب البيت 180 درجه كم انت رائع يابو مشهور !!! لا والله يالبقيلي صايرن شجره بدون عروق *** ماباقي غير نعرض قصتك لحقوق الانساني ابو مشعاب ابو تركي على المرصاد واقف لك يباك تروق *** ولايعتقك صقر سليم لين تعلق العاني |
طارق جميل
وتحليل أجمل وكالعادة متميز .. لاهنت وصح لسان الشعراء |
ههههههههههه .
الله يأخذ أبليسك يا أبو فايح ... تقبل مروري ... |
متميز دايم يابو فايح ..
وصل شاعر عملاق .. لاكن الاعلام يحب شعراء الطاق طرباق .. |
بيض الله وجهك يا ابو فايح .. و الله اني اليوم اسمعها و افكر فيها ههههه .. و تمنيت أنك فسرت أكثر .. و وصل شاعر كـبــيـــر .. ـ |
.
.. ابن فايح الله يرحم والديك تفسيراتك كلها خاطئه مع احترامي الشديد لك كل محاوره تؤلونها على كيفكم وهذا اللي خرب نكهة المحاورات!! وترى ياخوي المحاوره نكهتها في عدم تفسيرها الله لايهينك تقبل رايي بدون زعل ... |
متميز دايم يابو فايح الله لايهينك .. |
مطبــآت جميلــه جـدا ..
وابو مشعــآب ملووووش حل ولايهــون وصل |
ابووووووووو فايح
لا عدمناك ومميز دائما ولكن لي طلب من باب ميانه من عتيبي الى عتيبي ابتعد عن تحليل مثل هذه المحاورات الناريه الا تعلم ان متعة عشاق المحاوره في البحث عن التفسيرات والاجتهاد في فك الرموز وانت هنا ((تحرق علينا الفلم!!)) مره اخرى اتوجه لك بالشكر وارجو ان اختلاف الراي لا يفسد للود قضيه اخوك ومحبك في الله مرزوق الجعيد |
بيض الله وجهك يا ابو فايح
وصحت السنت الشعراء |
متميز دايم يابو فايح الله لايهينك .. وصح لسان ابو مشعاب وصل العطياني |
ابو فايح
متميز دايم بيض الله وجهك |
اخوي ابو فايح يعطيك العافيه لكن اتمنى انك ماتحللها من وجهة نظرك انت وحدك فالانسان لايسلم من الخطأ
اما اذا شاركك احد الشعراء((الفاهمين)) فيها واتفقتوا على ذا الشيء فما قصرت ويعطيك العافيه |
شكراً يا ابو فايح على النقل الجميل والمتميز
بالفعل محاورة كلها مقالب وصح ألسنة الشعار |
طاروق راائع وتحليل مميز صح لسان وصل وصح لسان ابو مشعاب .. وافيين شعر.. |
تحليل من وجهة نظري صحيح وواقعي
والشعر في الحجاز يدققون في البيوت كثير ويا ويل اللي يأكل مقلب وفي نفس الوقت يمشون على معنى _ بس معنى ومقلب في نفس الوقت ابو فايح بيض الله وجهك وصح لسان ابو غازي وأبو مشهور |
ابو فايح أنت خطير ..!!!! تفسيرك للمقالب كان صحيح 100% وأضف عليها "السلمان حباني" :) وترى تفسير المحاورة ما يقلل من قيمتها كما يتصور البعض ... خصوصاً المقالب , كما هو واضح في موضوعك ... وأبو غازي شاعر كبير ونستفيد منه ... وأشكرك يا ابو فايح ... تحيااااااااااااااتي |
الف شكر لجميع الاخوان الذي شرفوا موضوعي ومن له وجهة نظر وجهة نظره على العين والرأس اقتباس:
اهلا وسهلا بك يابو مشهور وشهادتك وسام على صدري ورد على كل من شكك في تحليلاتي . |
| الساعة الآن »10:48 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd