قوم يا معجب عساك بسم حيه= كل مادورت لك فالناس خافي
ملتوي مثل الحبل عشرين ليه = مار انا بنبشك بسم الزاعافي

شاعرٍ لحّن وغنا واهنيه= بس لو يدعي علينا مانخافي
تاصفون وصوفكم يا اهل الحويه=اسكتوا لا يظهر اللي مايشافي

المشاركة الأصلية كتبت بواسطة بادي المراقيب (المشاركة 824834) الاخ معجب بعد التحيه والتقدير قوم يا معجب عساك بسم حيه= كل مادورت لك فالناس خافي ملتوي مثل الحبل عشرين ليه = مار انا بنبشك بسم الزاعافي

المشاركة الأصلية كتبت بواسطة معجب العتيبي (المشاركة 824842) شاعرٍ لحّن وغنا واهنيه= بس لو يدعي علينا مانخافي تاصفون وصوفكم يا اهل الحويه=اسكتوا لا يظهر اللي مايشافي

انت عرفك لاقليل ولا شويه=مار لن ولعت نادي فالمطافي
ليش تأكل لحمة الجزار نيه=ونت يارجال مافوقك خلافي

ماجهلت ولا تمنيت الرديه=يوم بعض الناس يبغون الخفافي
زادك المذكور والنيه مطيه=لاتدور للهزيله والضعافي

المشاركة الأصلية كتبت بواسطة معجب العتيبي (المشاركة 824968) ماجهلت ولا تمنيت الرديه=يوم بعض الناس يبغون الخفافي زادك المذكور والنيه مطيه=لاتدور للهزيله والضعافي

ما جهلت ولاعليك ولا عليه = مار خل العلم يبدي يالسنافي
لا تغشون العسل وسط الخليه=افهموا والرمز يارجال كافي

اعتبرها من حسابات العطيه=واعتبرها لعبه وفيها احترافي
مانرد الا على حسب الهديه=جات بافكارك ولا فيها انحرافي

المشاركة الأصلية كتبت بواسطة معجب العتيبي (المشاركة 825000) اعتبرها من حسابات العطيه=واعتبرها لعبه وفيها احترافي مانرد الا على حسب الهديه=جات بافكارك ولا فيها انحرافي

في عتابة نجد شفت أشراف ليه= افهموها لو كما الحد الرهافي
حللوها حللوا هاذي القضيه= دام ون الستر يا رجال ضافي

لو تبيعون العسل يالحضرميه=ماوصلتوا للسما والجو صافي
لاتضنك جبت مليانه قويه=ثم تعرضها لواهيب السوافي

المشاركة الأصلية كتبت بواسطة معجب العتيبي (المشاركة 825013) لو تبيعون العسل يالحضرميه=ماوصلتوا للسما والجو صافي لاتضنك جبت مليانه قويه=ثم تعرضها لواهيب السوافي

العسل خلا ك تبدي في طنيه =ونت قبله لا فراش ولا لحافي
قبلك الشيكان ورجولك حفيه =ليه تمشي يا وليد الناس حافي

نحمد الله دام صرنا هالسويه=يوم بعض الناس نوره صار طافي
المسافر في طريقه ياخويه=مامشيت ولارجعت ولا انت وافي

المشاركة الأصلية كتبت بواسطة معجب العتيبي (المشاركة 825022) نحمد الله دام صرنا هالسويه=يوم بعض الناس نوره صار طافي المسافر في طريقه ياخويه=مامشيت ولارجعت ولا انت وافي

مانبا نحفرك يالبير الهبيه=لو حفرنا كان ضيقنا العوافي
راحوا البدوان في هجرة غزيه=وسحرتهم بطعام وبالفيافي

بير والا ضلع والا جرهديه=لاتذكرني بمعروف الرصافي
عقب راحوا صارت الديره خليه=مابقا الا انته ولاحقك اختلافي

المشاركة الأصلية كتبت بواسطة معجب العتيبي (المشاركة 825037) بير والا ضلع والا جرهديه=لاتذكرني بمعروف الرصافي عقب راحوا صارت الديره خليه=مابقا الا انته ولاحقك اختلافي

وبك حنا في مراسينا العليه=ما نحول عن الشداد ليا الردافي
انت قلي بكم عطوك التابعيه= يوم جا صوتك كم صوت السعافي