أبيات متواضعه في شيخ يستحق الكثير الشيخ / ماجد بن شجعان أبالعلا

الحجز مكّـد لجـده والوعـد فالمطـار=بيـن الصلاتيـن والركـاب متزاحميـن
ماني بـمن ينتظر في صالـة الإنتظـار=أقدم واقابـل واعنّزهـا علـى الطيبيـن
ملفاي شيـخٍ محـل المجـد والافتخـار=يفخـر بتاريخـه الاقصيـن والاقربيـن
شيخٍ كبار المشايـخ مـن فعولـه تغـار=أصطى على الجود من حد الحسام السنين
واعَنف من البحر لاهب الهوى واستثـار=وألطف من المتّقي فـي البـر بالوالديـن
واَثقل على الارض من وزن الجبال الكبار=واَخَير من يجمـع الثنتيـن دنيـا وديـن
شيخٍ طغت سمعته علـى جميـع الديـار=ماكنّه ألاّ ينافـس مطلـع الفـرق دَيـن
لاحل طاريه ردد القلـب خلـف الستـار=والله وسبعيـن نعـم وقـدّهـا مرتـيـن
شيخٍ لـه البشـت لامهـدى ولامستعـار=بشـتٍ مقلّـد علـى جدّانـه الأولـيـن
أخوان جوزاء ليا حميَت وطـال النهـار=اقلوبهـم قاسيـه مثـل الحجـر ماتليـن
ياما ثنوا واتعبوا واخلوا سـروج المهـار=واستيسروا من شجاع وضحّكوا من حزين
سوّاقت العطفـه اللـي ماعليهـا غبـار=يوم استبان الصديق مـن العـدو المبيـن
كرّوا وفـرّوا لعيـن الفـوز والانتصـار=نصـرٍ تغنيبـه الركبـان عبـر السنيـن
هذا هو الموجز اللي يشمـل الاختصـار=والاّ الحـدث يتعـب الأقـلام والكاتبيـن
سلام يامن على شانـك طويـت المسـار=سـلام ممـزوج بالريحـان والياسميـن
ياللي تشوف العظايم في عيونك صغـار=عادي لو المستحيـل يصافحـك باليميـن
أبـوك شجعـان رمـز وللقبيلـه شعـار=والاسم ماجد حليف المجد في كـل حيـن
جيتك وأنا خابرك منتـه محـل اختبـار=لابلّه ألاّ ملاذ وركـن حصـنٍ حصيـن

والله ونعم ويستاهل اباالعلا


وتسلم على مانقشت يداك


اخوك ابودله العطاوي

المشاركة الأصلية كتبت بواسطة ابودله (المشاركة 822559) والله ونعم ويستاهل اباالعلا وتسلم على مانقشت يداك اخوك ابودله العطاوي

المشاركة الأصلية كتبت بواسطة بندر المرشدي (المشاركة 822818) حمدان العصيمي شاعرنا المعروف صح لساااااانك وبيض الله وجهك على هذه القصيدة الجزلة وانت ماهو غريب عليك الجزل شاعر بحجمك يستحق ان نقرأ ونستفيد من ابداعه والممدوح يستااااااااهل المدح بلاشك

المشاركة الأصلية كتبت بواسطة مرزوق حمدان العتيبي (المشاركة 822822) .. . الشاعر المتوهج والمتوشج بالجزاله والابداع حمدان العصيمي .. صح لسانكـ واعتلا شانكــ والممدوح كفو ويستاهل .... لاهنت ولاتحرمنا تواصلك.. فبأمثالك نفتخر ... اخوكـ

المشاركة الأصلية كتبت بواسطة مشاري (المشاركة 822825) حمداااااان العصيمي صح لساااااااااااااااانك يستااااهل الممدوح المدح

صح لسانك ياحمدان
قصيده جزله من شاعر جزل ونعم بالممدوح

المشاركة الأصلية كتبت بواسطة مشاري (المشاركة 822825) حمداااااان العصيمي صح لساااااااااااااااانك يستااااهل الممدوح المدح

المشاركة الأصلية كتبت بواسطة بندر سعود الدغيلبي (المشاركة 822888) صح لسانك ياحمدان قصيدة جزلة من شاعر جزل يستاهل ماجد اباالعلا المدح في إنتظار جديدك

المشاركة الأصلية كتبت بواسطة محمد العتيبي (المشاركة 823592) الشاعر الفذ والرائع / حمدان العصيمي صح لسانك وصح فكرك وراسك .. على الأبداع المعهود ويستاهل الممدوح لاتحرمنا من تواصلك المشرّف .. تحيتي ...

المشاركة الأصلية كتبت بواسطة حاكم الغنامي (المشاركة 823594) صح لسانكـ ياحمدان والممدوح يستاهل شيخٍ لـه البشـت لامهـدى ولامستعـار بشـتٍ مقلّـد علـى جدّانـه الأولـيـن أخوان جوزاء ليا حميَت وطـال النهـار اقلوبهـم قاسيـه مثـل الحجـر ماتليـن الله الله وصح لسانكـ مره اخرى لاهنت

المشاركة الأصلية كتبت بواسطة حمدان العصيمي (المشاركة 828923) صح بدنك والله لايهينك وانت شاعر علم ومتابع لطرحك الجميل تقبل تحياتي