| سلطان المفرجى |
13-Mar-2009 08:58 PM |
قصة الاسهم مع الشعب السعودي =من قراها هلت دموعه عباير
]الاخوه اعضاء وزوار ومشرفي منتدى الهيلا العملاق اليكم هاذهي المتواضعه كتبتها ايام ازمة الاسهم وتحول حال الشعب السعودي ارجو ان تنال اعجابكم
قصة الاسهم مع الشعب السعودي= من قراها هلت دموعه عباير
كان شعب بخير واحواله تزودي= ومن قليل الدخل عمرله عماير
والحوال بخير ما عنها نشودي=والقناعه رمزهم واغلى الذخاير
والموظف في دوامه له جهودي= منشغل فكره بتعداد الخساير
باذل (ن)جهده وكده بالزنودي=لرضى والخير في وجهه بشاير
وفى وسط غبة بحر حب النقودي= الهوامير اظهرو سوق العثاير
واعلنوها حرب ما فيها جنودي= بس ظغطة زر وانت الي معاير
واول الخطه ربح يروي الكبودي= لين كل قام يجبر في الكساير
باعو املاك وعمارات وعقودي= في رجى ربح السهم ربح مغاير
واخر الخطه عقب نصب القيودي=نزلوا سعر السهم والعذر باير
قالو السوق متاثر بالحدودي= والمشاكل بالدول والدم فاير
وكلها اشهر ويتعدل في صعودي= سوقنا دراسه ماهو لعبة حواير
وخدروهم بالدراسه والشهودي= كل يوم محلل(ن) يعطي بشاير
والنهايه عودت خدعة يهودي= والضحيه شعب(ن) قلوبه طهاير
)
|
