هلا مرحبا حيّيت يالمشرف سعود=بعد صرت فالميدان قايد كتيبه
عسى المنتدى من يوم رقّوك في زود=و عسى الله ينفع بك قبيلة عتيبه

يدوم البقاء وانته زميلي على الجود = وهذه على العتبان ماهي غريبه.
انا باذلٍ فالمنتدى كل مجهود = ومايكتبه ربك لعبده يجيبه

أنا أفرح ليا حصلت شرواك موجود=حزامٍ ينومس كل من يعتزيبه
ليا ما وقفنا في نحر كل مقرود=علينا مع الايام ميل و غليبه

ترا ماعليكم زود فالبيض والسود = ولاخير في من عاش محدٍ دريبه
كلامك صحيح ولا حصل فيه منقود = لكن عد في راس الجبل عن شعيبه

ترى الناس مهما صار حاسد و محسود=و بعض العرب يا سعود يحسد قريبه
عدوّ النجاح يروح بالشر و يعود=و لا يرجع الاّ معه شرّ و مصيبه

ترا الريع في وجه مسكر ومقعود = ولو يحسده مامعه مايدعيبه.
نبي نكحل اله العين من ريح بارود = هذا الجرح موجود دواه وطبيه.

يا بو زيد ما عيّنت مسعد و مسعود = وش أخبارهم من بعد طول المغيبه
منوّل لهم ميقاف واضح و مشهود =ترى الطيب ليا غاب يذكر بطيبه

تراهم بخير وفوق دلة وكمبود = وكلٍ معه فالسوق مايشتريبه
لياحصل الرجال مطمع وابه فود = غزاله ولو يدفع رسوم وضريبه

صح لسانك يابو فلاح ولسان سعود

ترى الرفقه تسوّي مواثيق و عهود=و بلّغ سلامي للصحيب و صحيبه
كثير العرب لو غاب ما هو بمفقود=بعكس الرجال اهل السلوم العريبه

علي فلاح العضياني

هلا مرحبا حيّيت يالمشـرف سعـود=بعد صـرت فالميـدان قايـد كتيبـه
عسى المنتدى من يوم رقّوك في زود=و عسى الله ينفع بك قبيلـة عتيبـه

سعود العصيمي

يدوم البقاء وانته زميلي على الجود=وهذه على العتبان ماهي غريبـه.
انا بـاذلٍ فالمنتـدى كـل مجهـود=ومايكتبـه ربـك لعبـده يجيـبـه

علي فلاح العضياني

أنا أفرح ليا حصلت شرواك موجود=حزامٍ ينومس كـل مـن يعتزيبـه
ليا ما وقفنا في نحر كـل مقـرود=علينا مع الايـام ميـل و غليبـه

سعود العصيمي

ترا ماعليكم زود فالبيض والسـود=ولاخير في من عاش محدٍ دريبـه
كلامك صحيح ولا حصل فيه منقود=لكن عد في راس الجبل عن شعيبه

علي فلاح العضياني

ترى الناس مهما صار حاسد و محسود=و بعض العرب يا سعود يحسد قريبـه
عدوّ النجاح يـروح بالشـر و يعـود=و لا يرجع الاّ معـه شـرّ و مصيبـه

سعود العصيمي

ترا الريع في وجه مسكر ومقعـود=ولو يحسـده مامعـه مايدعيبـه.
نبي نكحل اله العين من ريح بارود=هذا الجرح موجود دواه وطبيـه.

علي فلاح العضياني

يا بو زيد ما عيّنت مسعد و مسعود=وش أخبارهم من بعد طول المغيبه
منوّل لهم ميقاف واضح و مشهود=ترى الطيب ليا غاب يذكر بطيبـه

سعود العصيمي

تراهم بخير وفوق دلة وكمبود=وكلٍ معه فالسوق مايشتريبـه
لياحصل الرجال مطمع وابه فود=غزاله ولو يدفع رسوم وضريبه

علي فلاح العضياني

ترى الرفقه تسوّي مواثيق و عهود=و بلّغ سلامي للصحيب و صحيبـه
كثير العرب لو غاب ما هو بمفقود=بعكس الرجال اهل السلوم العريبـه