سلام ياصحابي عتيبة من هجوسي والضّمير = ردة كما ذوب العسل صدر النّشاما تشرحه !!
يالشيخ ابن سرحان شاب القاف والسّاير يسير = والليلة المعنى بعيد النّوز وانته تطرحه !!

صح لسانك يا فوّاز


و صح لسان ابن سرحان مقدماً

يامرحبا بالشاعر اللي صار مجهول المصير = اشوف حظه تالي الايام عيا يفرحه
السالفه بين الرجال ايوقدها سلك الحرير = هات الكتاب اللي تبا تقراه وانا بشرحه !!!!!

الله يبارك فيك وانته يوم اشوفك وجه خير = وان غبت يملك راعي الفلم الدّرامي مسرحه !!
الغزوة اللي مات فيها الشيخ والراس الكبير = سولف لنا عن غزوة امريكا وذيك المذبحه !!

تراك يافواز عند اعتيبه الهيلا قصير = اترك كثر الهرج مالك فيه معنا مصلحه
ماودنا نقسى علاك وتبطي وعظمك كسير = خلك حليف امطير لكن الجبل لا تنطحه

وشبك يابو سرحان تجفل يوم توحيلك صفير ؟ = وش تاتسوي ياعميلي لو سمعت النّحنحه !!
دولة ثبيت حدودها في فيّة السّيف الشّطير = قال المثل ياكف ماتقواه قوم وصافحه !!

وانته تحت فية عصانا طير ولا لاتطير = صحيح لو انه يسب العبد عمه يمدحه
انت وحليفك يالسعيدي عانكم في زمهرير = ولا يمر اسبوع ماخذتلك ضربه مبرحه

الذّنب ذنب الجاهل اللي جاي يسحب له حظير = مايدري انّا فالحظير اللي يجرّه نسدحه !!
اهرج وابهرج وانت هرجك غير والك فعول غير = ياكبر ضلع ايسوم ذعذاع الهوى مازحزحه !!

تبا الحقيقه يالسعيدي ...انت ماتصلح سفير = لو ضاق ابن عايش عليه كل ماجيت انصحه !!
خلاص يالسودان هذي اخر ايام البشير = عليه حكم ٍ يمكن ايوديه بين الاضرحه

قام الجمل يرغي بعد ماكان نسمع له هدير = نقّد هله مع ضيفهم من زود جنّه يرمحه !!
افريقيا ماجوفها الا الجوع والشّر الشّرير = واجري على الله كل يوم اجي تصدّقت بلحه !!

الله يسامح من عطاك البشت... يومنك قصير = ماني بشامت فيه لكن خايف انه يطرحه
اختامها لاعاد اشوفك ترتقص لا دق زير = اهذيل لو شافوك قالوا بذنا الله يفضحه