يا مرحبا في حِلال أهل الوفاء والكرم = الحلة اللي نصوغ الفكر من شانها
هذيل فالجاهلية سوّت أكبر صنم = واليوم مافيه صوت بوسط ريعانها

يبقيك ربٍ خلق كل البشر والغنم = وخلق له جمال تفجعكم بلحيانها !!
هذيل بعد الله الوالي حماة الحرم = لكن بندقك لايلطمك نيشانها !!

إن كان تحمون بيت الله قلت ونعم = وأحمو معه يا ولد مكة وسكانها
لكن خايف هذيل أهل البقر والبهم = أجيالها اليوم تتبع نهج جدانها

نهار غار ابرهه يبغا الحرم ينهدم = ياليت تقرا عن القصة وفرسانها !!
حنّا على صفحة التاريخ نار وعلم = بالله سولف عن عتيبه وشجعانها !!

مهووس بالجاهلية والعصور القِدم = نسيت فش فاش والغندور ولبانها
ولا عودت للفخر عاين براس الرجم = تلقا عتيبه وتلقا فعل ذيبانها

المشاركة الأصلية كتبت بواسطة معجب العتيبي (المشاركة 818963) الله الله انا اشهد انك مبدع ياقاح شرار ولايهون المبدع فواز صحة السنتكم

لو ترتفع فاللحم لو ترتخي فالعظم = تصلح خشير الحضارم جوف دكّانها !!
لو جيتكم بالكلام اللي يسد النّسم = تزعل جبر ربعك عتيبة وشيخانها !!

أحذر ترا ما بتسري يا صحيبي سَلم = ما قدمك ألا حيايا يلمض لسانها
عطني كلامك وخلك يا ولد محترم = ولا لا تقدم علومك دون برهانها

المشاركة الأصلية كتبت بواسطة فواز السعيدي (المشاركة 819059) صح لسااانك ياقاادح شاعر مافيك حيلة دائما تحياتي